Let Zak 4:8 - Nouvo Testaman Kreol Morisien Harmonisation NTPS KM

⁸ Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

Nouvo Testaman dan Kreol Morisien

⁸ Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

Let Zak 4:8 ပူးပေါင်းရင်းမြစ်များ

Psom 119:113

Mo deteste bann ki ezite pou swiv twa me mwa, mo kontan to lalwa.

Psom 145:18

LESEGNER pre pou ed dimounn ki apel li e ki dimann so led ar sinserite.

Psom 18:20

LESEGNER rekonpans mwa dapre mo drwatir; li beni mwa parski mo lame prop.

Psom 24:4

Bann ki zot lame prop ek zot leker kler, ki pa priye idol e ki pa fer promes dan vid.

Psom 26:6

Mo lav mo lame pou montre mo inosans; mo mars dan lapriyer otour to lotel, SEGNER.

Psom 51:10

Bondie, kree an mwa enn leker pir ek prop renouvel an mwa enn lespri nouvo ek lwayal.

Psom 73:13

Savedir pou nanye mo finn res prop. Pou nanye mo finn lav mo lame pou montre mo inosans.

Psom 73:28

Mwa mo kone kouma li bon kan nou pre ar Bondie; Mo finn swazir Lesegner BONDIE pou protez mwa; mo pou proklam tou to bann bienfe.

Mt 12:33

Swa fer enn pie vinn bon lerla so fri osi pou bon, swa enn pie malad lerla so fri osi pou malad, parski nou rekonet pie-la dapre so fri.

Mt 15:2

“Kifer to disip pa respekte tradision nou bann gran-dimounn? Zot pa lav lame avan manze.”

Mt 27:24

Letan Pilat trouve ki li nepli kapav fer nanye me ki bann-la pe pli revolte, li pran dilo e li lav so lame devan lafoul; li dir, “Mo pa responsab disan sa dimounn-la; get zot zafer.”

Zistwar Bann Zapot 15:9

Li pa finn fer okenn diferans ant zot ek nou, li finn pirifie zot leker par lafwa.

2 Ko 7:1

Mo bann kamarad, tou sa bann promes-la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

1 Tim 2:8

Ala kifer, mo pe demande ki dimounn priye partou e touletan, ki zot lev zot lame lao ver lesiel, san fer koler, san lager.

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

Eb 7:19

parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Let Zak 1:8

parski li indesi e instab dan so panse.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Pi 3:21

Sa enn fason pou montre batem ki pe sov zot aster-la; pa pou lav inpirte dan zot lekor, me kouma enn langazman ar Bondie pou enn konsians prop; li sov zot par rezireksion Zezi Kris,

1 Zn 3:3

Dimounn ki ena sa kalite lesperans dan Kris, pou rann limem pir parey kouma li.