Let Zak 1:26 - Nouvo Testaman Kreol Morisien Harmonisation NTPS KM

²⁶ Si kikenn krwar li enn relizie e li pa vey so lalang, li pe tronp limem, so larelizion pena okenn valer.

Nouvo Testaman dan Kreol Morisien

²⁶ Si kikenn krwar li enn relizie e li pa vey so lalang, li pe tronp limem, so larelizion pena okenn valer.

Let Zak 1:26 ပူးပေါင်းရင်းမြစ်များ

Psom 141:3

SEGNER, met enn gard kot mo labous, enn santinel ant mo de lalev.

Psom 32:9

Pa fer teti kouma seval ek bourik ki zis konpran kravas ek brid; lerla nanye pa pou ariv twa.

Psom 34:13

Alor aret koz lemal; aret koz manti.

Proverb 10:19

Plis to koz boukou, plis to ena risk fer pese; enn saz konn kontrol so lalang.

Proverb 10:31

Bann dimounn drwat koz langaz lasazes; me bann ki ena lalang manter pou gagn pinision.

Proverb 14:12

Fer atansion! Ena sime kapav paret bon, me alafin, to kapav trouv lamor.

Proverb 15:2

Parol enn saz fer gagn konesans; me kan bann bet ouver labous, zis betiz ki sorti.

Proverb 16:10

Si parol enn lerwa inspire par Bondie, so zizman pou touletan korek.

Proverb 16:25

Fer atansion! Ena sime ki paret bon, me dan so bout, to kapav zwenn lamor.

Proverb 19:1

Preferab pov, me onet; ki manter e bet.

Proverb 21:26

Bann pares pas letan anvi kitsoz lezot; me bon dimounn donn zot kitsoz ek leker kontan.

Mt 15:9

Zot lapriyer pena valer, parski zot ansegn doktrinn bann imin.’ ”

Mk 7:7

Pou nanye zot ador mwa parski zot fer zot lalwa pas pou lalwa Bondie.’

Lk 8:18

Alor fer atansion manier ki zot ekoute parski seki ena pou gagn plis e seki pena, mem seki li krwar li ena, pou ras tou ar li.”

1 Ko 15:15

Plis ki sa, nou bann fos temwin Bondie, parski nou finn rann temwaniaz ki li finn resisit Lekris depi bann mor. Me li pa finn resisit li, si li vre ki pena rezireksion bann mor.

1 Ko 15:2

Par sa Bonn Nouvel-la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

Ga 2:6

Me pou seki konsern dimounn ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimounn-la pa finn inpoz nanye nouvo ar Bonn Nouvel ki mo anonse.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

Ga 3:4

Eski zot finn fer tou sa bann lexperyans-la pou nanye? Pa kapav tousala pou nanye.

Ga 6:3

parski si kikenn panse ki li enn gran dimounn alor ki li nanye ditou, li pe anbet limem.

Ef 4:29

Napa koz move koze, me servi bann parol ki fortifie e ki donn seki neseser pou dibien bann dimounn ki tann zot.

Ef 5:4

Fode pena langaz obsenn, koze bet, ou vilger; okontrer zot bizin dir mersi Bondie.

Let pou Kolosien 4:6

Ki zot parol touzour bienveyan, enn koze ki ena gou pou ekoute, e ki zot konn reponn sakenn kouma bizin.

Let Zak 1:19

Mo bann kamarad, konpran sa bien: sakenn bizin rapid pou ekoute, me pa prese pou koze, pa ankoler vit,

Let Zak 1:22

Fode pa ki zot anbet zotmem parski zot zis ekout so parol me zot pa met li an pratik.

Let Zak 2:20

Zokris! To anvi kone si lafwa san bann aksion li initil?

1 Pi 3:10

Ofet “Bann ki anvi zwir lavi e anvi viv ere, ki zot aret koz dimal e aret koz manti.