Let Zak 1:25 - Nouvo Testaman Kreol Morisien Harmonisation NTPS KM

²⁵ Me dimounn ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol-la an pratik, abe sa dimounn-la li pou beni dan tou seki li fer.

Nouvo Testaman dan Kreol Morisien

²⁵ Me dimoun ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol la anpratik, abe sa dimoun la li pou beni dan tou seki li fer.

Let Zak 1:25 ပူးပေါင်းရင်းမြစ်များ

Psom 106:3

Bienere dimounn ki obzerv lazistis, ki pratik drwatir touletan.

Psom 119:32

Mo swiv sime to komannman ar boukou lazwa parski to fer mo konesans grandi.

Psom 119:45

Mo pou viv enn lavi dan parfe liberte parski mo fer tou pou ekout to konsey.

Proverb 14:15

Dimounn bet, fasilman rant dan piez; dimounn pridan get bien kot li met so lipie.

Lk 11:28

Me Zezi reponn li, “Bienere plito seki ekout Parol Bondie e obeir li!”

Zn 13:17

Si aster zot finn konn tousala, zot pou bienere si zot met sa an pratik.

Zn 8:36

Si Garson-la liber zot, alors vremem zot pou lib.

Zistwar Bann Zapot 13:43

Ler renion termine, enn kantite Zwif ek bann konverti Zwif ti swiv Pol ek Barnabas. Sa de-la ti koz ar zot e ti exort zot res fidel ar lagras Bondie.

Zistwar Bann Zapot 2:42

Zot ti devwe zot letan pou ekout lansegnman bann zapot e kominion fraternel, zot ti partaz repa lakominion e lapriyer.

Zistwar Bann Zapot 26:22

Ziska zordi mo finn gagn proteksion Bondie; alors mo rann temwaniaz devan bann ti dimounn kouma bann gran dimounn. Mo pe dir mem zafer ki bann profet ek Moiz ti dir pou arive:

Let pou Romin 11:22

Konsider bonte ek severite Bondie. Li sever ar bann ki ti tonbe, e li bon anver twa, si to kontign res dan so bonte. Sinon, pou koup twa kouma brans.

Let pou Romin 2:13

Pa seki ekout lalwa ki drwat devan Bondie, me seki met lalwa an pratik ki Bondie deklar drwat.

Let pou Romin 7:12

Alor, lalwa li sin, e komannman li sin, drwat ek bon.

Let pou Romin 8:15

Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

Let pou Romin 8:2

An-efe, lalwa Lespri Sin ki donn lavi par Zezi Kris finn liber twa depi lalwa pese ek lamor.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

2 Ko 13:5

Examinn zotmem pou verifie si zot pe viv dan lafwa. Teste zotmem. Eski zot pa realize ki Lekris dan zot? Amwin ki lexame ki zot fer montre ki zot finn fel.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

Ga 5:1

Kris finn liber nou pou ki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Ga 6:2

Sakenn bizin ed so kamarad, lerla zot pou met an pratik lalwa Lekris,

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

1 Tim 2:15

me so maternite pou sov li. Selman fode ki bann madam persevere dan lafwa, lamour ek amenn enn bon lavi ek gard enn bon zizman.

1 Tim 4:16

Vey lor twa ek lansegnman ki to done. Persevere. Koumsa mem to pou sov tomem anmemtan ki to sov bann ki ekout twa.

Eb 12:15

Zot bizin veye ki personn pa detourn li kont lagras Bondie; ki zot pa vinn kouma bann rasinn amer ranpli ar pwazon ki kapav anpwazonn boukou dimounn.

Let Zak 2:12

Zot bizin koze ek azir kouma dimounn ki lalwa pou zize, lalwa ki rann lib.

1 Pi 2:16

Konport zot kouma bann dimounn lib. Pa bizin servi zot liberte kouma enn vwal pou kasiet lemal, me azir kouma serviter Bondie.

1 Zn 2:24

Gard bien mesaz ki zot finn tande depi koumansman. Si zot gard sa mesaz-la, lerla zot pou res ini avek Bondie Garson ek so Papa osi.

Revelasion 14:13

Apre sa mo tann enn lavwa dan lesiel ki dir, “Ekrir sa: Beni bann ki aster-la finn mor dan linion ar Zezi Kris! Wi, ki zot repoze apre zot travay parski zot bann bon aksion swiv zot.”

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.