Let Zak 1:22 - Nouvo Testaman Kreol Morisien Harmonisation NTPS KM

²² Fode pa ki zot anbet zotmem parski zot zis ekout so parol me zot pa met li an pratik.

Nouvo Testaman dan Kreol Morisien

²² Fodre pa ki zot anbet zotmem parski zot zis ekout so parol me zot pa met li anpratik.

Let Zak 1:22 ပူးပေါင်းရင်းမြစ်များ

Mt 12:50

Parski dimounn ki fer dapre volonte mo Papa ki dan lesiel, limem mo frer, mo ser ek mo mama.”

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Lk 11:28

Me Zezi reponn li, “Bienere plito seki ekout Parol Bondie e obeir li!”

Zn 13:17

Si aster zot finn konn tousala, zot pou bienere si zot met sa an pratik.

Let pou Romin 2:13

Pa seki ekout lalwa ki drwat devan Bondie, me seki met lalwa an pratik ki Bondie deklar drwat.

1 Ko 15:33

Pa les dimounn anbet zot: kan frekant lisien gagn karapat.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

1 Ko 6:9

Zot pa kone ki seki pratik lemal pa erit Rwayom Bondie? Pa anbet zotmem. Bann ki pratik imoralite, idolatri, adilter, bann efemine ek bann omosexiel,

Ga 6:3

parski si kikenn panse ki li enn gran dimounn alor ki li nanye ditou, li pe anbet limem.

Ga 6:7

Fode pa fer erer, nou pa kapav mok Bondie. Enn dimounn li rekolte seki li finn seme.

Let pou Filipien 4:8

Finalman, mo bann frer e ser, pans bien lor tou seki vre, onorab, zis, pir, admirab ek tou seki merit nou louanz.

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimounn ek zot pou tronp zotmem.

Let pou Tit 3:3

Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti ayir nou, e nou ti ayir zot.

Let Zak 1:26

Si kikenn krwar li enn relizie e li pa vey so lalang, li pe tronp limem, so larelizion pena okenn valer.

Let Zak 4:11

Frer ek ser, pa koz dimal lor lezot. Ninport ki koz dimal kont enn lot ou port zizman lor li, li pe koz kont lalwa e pe ziz lalwa Bondie. Si zot ziz lalwa, zot pa enn dimounn ki obeir li me zot enn ziz lor li.

Let Zak 4:17

Alor si kikenn konn seki bizin fer dapre lalwa e li pa fer li, li komet enn pese.

2 Pi 2:13

Zot pou gagn pinision pou dimal ki zot finn fer. Zot pran plezir pou amenn move lavi dan plin lizour. Kan zot partisip dan zot fet, zot prezans degoutan, fer onte e zot pran plezir koz manti.

1 Zn 1:8

Si nou dir ki nou pena pese, nou tronp noumem, e laverite pa dan nou.

1 Zn 2:3

Si nou gard so komannman, lerla nou sir ki nou konn li.

1 Zn 3:7

Mo bann ti zanfan, pa les personn anbet zot! Tou seki azir avek zistis, li zis parey kouma Kris ki zis.

3 Zn 1:11

Kamarad, pa bizin imit seki mal me imit seki bien. Dimounn ki fer dibien li avek Bondie; dimounn ki fer lemal li pa konn Bondie.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

Revelasion 22:7

Ala, mo pe vini biento. Bienere dimounn ki gard parol profet ki trouv dan sa liv-la.”