Let Zak 1:18 - Nouvo Testaman Kreol Morisien Harmonisation NTPS KM

¹⁸ Par so prop volonte li finn donn nou lavi par so Parol ki laverite, pou ki nou kapav vinn kouma bann premie fri kreasion.

Nouvo Testaman dan Kreol Morisien

¹⁸ Par so prop volonte li finn donn nou lavi par so Parol ki laverite, pouki nou kapav vinn kouma bann premie fri kreasion.

Let Zak 1:18 ပူးပေါင်းရင်းမြစ်များ

Zn 1:13

Zot pa vinn zanfan Bondie par nesans natirel, par volonte bann imin, par dezir enn papa ek enn mama, me zot finn pran nesans kot Bondie.

Let pou Romin 4:17

Lekritir deklare: “Mo finn fer twa papa enn kantite nasion.” Li nou papa devan Bondie dan ki li finn krwar, sa Bondie ki donn lavi bann dimounn ki finn mor, e ki kree kiksoz depi nanye ditou.

1 Ko 4:15

Mem si arive zot ena dis-mil dimounn ki gid zot lavi dan Lekris, zot pena plizir papa, parski mwa ki finn vinn zot papa dan Lekris par Bonn Nouvel ki mo finn amenn zot.

2 Ko 6:7

par parol laverite, e par pwisans Bondie; avek zarm lazistis dan nou lame drwat e dan nou lame gos.

Ef 1:12

pou nou loue so grander, nou ki ti bann premie pou met nou lesperans dan Lekris.

Ef 1:13

Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

2 Tim 2:15

Fer tou pou ki Bondie trouv dan twa enn bon travayer ki pa per, ni onte, pou propaz Parol laverite.

Eb 12:23

Zot finn apros enn lasanble bann premie-ne Bondie, ki ti finn anrezistre dan lesiel. Zot finn apros Bondie ki ziz tou dimounn, e lespri bann zis ki finn vinn parfe.

Let Zak 1:15

Lerla, kan sa dezir-la finn forme, li donn nesans pese, e kan pese grandi li donn lamor.

Let Zak 1:21

Alor, rezet tou zot move manier ek zot mesanste. Me dan limilite, akeyir parol ki Bondie finn plant dan zot leker, samem parol ki pou sov zot.

Let Zak 3:14

Me si zot leker li ranpli ar zalouzi, move lanvi ek lanbision, fode pa ki zot fos laverite par zot vantardiz.

1 Pi 1:23

Avredir, zot finn ena enn nouvo lavi, ki pa sorti dan bann paran mortel me dan enn semans ki pa lamor ek koripsion parski li sorti dan Parol Bondie ki vivan e eternel.

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

1 Zn 3:9

Enn zanfan Bondie pa kapav kontign fer pese, parski pwisans Bondie ki met lavi dan li. Li pa kapav kontign fer pese parski li finn pran nesans kot Bondie.

Revelasion 14:4

Sa bann-la, zot pa ti rann zot inpir ar bann fam; zot ti gard zotmem prop. Zot ti swiv Agno partou kot li ti ale. Zot ti sove parmi bann imin parey kouma bann premie fri Bondie ek Agno,