Let Zak 1:12 - Nouvo Testaman Kreol Morisien Harmonisation NTPS KM

¹² Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Nouvo Testaman dan Kreol Morisien

¹² Li pou bienere sa dimoun ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Let Zak 1:12 ပူးပေါင်းရင်းမြစ်များ

Psom 11:5

LESEGNER teste tou dimounn, so bon kouma so move. Li deteste bann ki servi violans.

Psom 119:67

Avan to ti imilie mwa, mo ti egare me aster mo gard to parol.

Psom 119:71

To pinision finn fer mwa boukou dibien; li finn fer mwa konpran to leson.

Psom 119:75

Mo kone ki to bann zizman zot baze lor drwatir, SEGNER, e to ti ena rezon pou imilie mwa dan to fidelite.

Psom 5:11

Me tou ki konfie zot ar twa pou gagn to proteksion; zame zot pou fini sante ar sa lazwa la; protez bann ki kontan to nom, akoz twa zot kriye ar lazwa.

Psom 94:12

SEGNER, zot bienere bann ki resevwar to disiplinn; zot bien saz bann ki aprann to lalwa.

Proverb 17:3

Nou servi dife pou teste lor ek larzan; zis LESEGNER ki kapav teste nou leker.

Mt 10:22

Tou dimounn pou ayir zot akoz mwa, me seki tini ferm ziska dan bout, li pou sove.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Lk 6:22

Bienere kan dimounn ayir zot, e kan met zot deor, insilte zot, abes zot, mal parl zot akoz Garson Limanite.

Let pou Romin 5:4

perseverans fer gagn fidelite solid, e fidelite solid donn lesperans.

Let pou Romin 8:28

Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

1 Ko 2:9

Me kouma Lekritir deklare, “Seki lizie pa finn trouve, seki zorey pa finn tande, seki okenn dimounn pa finn panse kapav arive, samem ki Bondie finn prepare pou dimounn ki kontan li.”

1 Ko 8:3

Me dimounn ki kontan Bondie, Bondie osi kontan li.

1 Ko 9:25

Dan lantrennman, sak atlet inpoz limem enn disiplinn bien sever. Zot fer sa pou gagn enn kouronn ki pa res pou touletan; me nou, nou fer nou travay pou gagn enn kouronn ki so valer zame gate.

2 Tim 2:15

Fer tou pou ki Bondie trouv dan twa enn bon travayer ki pa per, ni onte, pou propaz Parol laverite.

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Eb 10:32

Me rapel seki zot finn viv dan lepase. Apre ki zot finn resevwar lalimier, zot finn soufer boukou, me zot finn res ferm dan lalit;

Eb 11:17

Kan Bondie ti teste Abraam, par lafwa li ti ofer Izaak kouma sakrifis. Abraam ki finn resevwar promes Bondie, ti pre pou sakrifie so sel garson.

Eb 12:5

Eski zot finn bliye parol lankourazman ki Bondie finn adres zot kouma so zanfan: “Mo garson, pran sa serye kan Lesegner koriz twa e pa bizin dekouraze kan li repros twa,

Eb 6:15

Abraam finn atann avek pasians e li finn gagn seki Bondie ti promet li.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Let Zak 5:11

Nou deklar bann-la bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

1 Pi 3:14

Me, mem si zot soufer pou fer dibien, Bondie pou beni zot. Pa bizin per personn e pa kas latet,

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

1 Pi 4:14

Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

1 Pi 5:4

E kan sef berze paret, zot pou resevwar enn kouronn laglwar ki pou briye pou touzour.

1 Zn 4:19

Nou, nou kontan nou kamarad parski Bondie finn kontan nou an premie.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Revelasion 3:19

Mo koriz e reprimann tou dimounn ki mo kontan, me twa, montre boukou zel e sanz to konportman.

Revelasion 3:21

Dimounn ki gagn laviktwar, mo pou permet li asiz lor mo tronn parey kouma mwa osi, apre ki mo ti gagn laviktwar, mo ti asiz avek mo papa lor so tronn.