Let Zak 1:10 - Nouvo Testaman Kreol Morisien Harmonisation NTPS KM

¹⁰ e enn krwayan ki ris trouv so fierte akoz Bondie abes li, parski risar-la pou disparet kouma enn fler dan karo.

Nouvo Testaman dan Kreol Morisien

¹⁰ e enn krwayan ki ris trouv so fierte akoz Bondie abes li, parski risar la pou disparet kouma enn fler dan karo.

Let Zak 1:10 ပူးပေါင်းရင်းမြစ်များ

Psom 102:11

Mo lavi pase kouma lonbraz aswar, mo kouma lerb sek.

Psom 103:15

Bann imin zot lavi kouma lerb. Zot grandi ek fleri kouma fler sovaz;

Psom 37:2

Vit-vit zot pou sek kouma lerb ki griye ar soley; kouma fey ver vit-vit zot fletri.

Psom 39:6

dimounn ale vini kouma enn lonbraz. Tou seki nou fer pa vo nanye; nou ramas enn fortinn me pa kone kisann-la pou erite.

Mt 5:3

“Bienere zot ki pov dan zot lespri, Rwayom Bondie li pou zot.

Mt 6:30

Si Bondie abiy enn karo lerb parey, ki zordi pe pouse e dime pou brile dan dife, eski li pa pou abiy zot ankor pli zoli ki sa? Ala zot lafwa mins la!

1 Ko 7:31

bann ki servi seki ena dan sa lemond-la, komsi zot pa gagn profi ladan. Parski sa lemond-la, dan form ki li ete aster-la, li pa pou res lontan.

Let pou Filipien 3:8

Ler mo konpar grander dibien ki mo gagne dan konesans Zezi Kris, mo konsider tou kiksoz kouma enn lapert. Akoz li mo finn perdi boukou kiksoz ki mo konsider kouma enn bann salte pou mo kapav gagn Kris,

1 Tim 6:17

Dir bann dimounn ris dan sa lavi-la, pa rant dan lorgey e pa met zot lesperans dan bann fos rises. Met zot lesperans plito dan Bondie ki donn nou tou seki nou bizin dan labondans.

Let Zak 4:14

Pourtan, zot pa mem kone ki dime rezerv zot. Zot parey kouma enn brouyar ki paret zis pou enn ti moman, apre li disparet.

1 Pi 1:24

Parski finn ekrir: “Tou dimounn, zot kouma lerb e zot laglwar parey kouma bann fler dan karo; lerb sek e so fler tonbe,

1 Zn 2:17

Lemond avek so bann dezir pe al fini, me bann ki fer volonte Bondie pou viv pou touzour.