Let pou Romin 9:19 - Nouvo Testaman Kreol Morisien Harmonisation NTPS KM

¹⁹ Kitfwa ena pou dir mwa, “Si sa koumsa, kifer Bondie blam nou alor? Kisann-la kapav reziste so volonte?”

Nouvo Testaman dan Kreol Morisien

¹⁹ Kikfwa ena pou dir mwa, “Si sa koumsa, kifer Bondie blam nou alor? Kisannla kapav reziste so volonte?”

Let pou Romin 9:19 ပူးပေါင်းရင်းမြစ်များ

Psom 76:10

Mem lakoler dimounn pou fer to laglwar pli gran, bann ki sap dan sa lakoler la pou vinn antour twa.

Mk 14:21

Garson Limanite pe ale parey kouma ti finn ekrir lor li; me bien malere dimounn ki pou trayir Garson Limanite. Vomie li pa ti ne sa dimounn-la.”

Zistwar Bann Zapot 2:23

Dapre konesans ki Bondie ena davans, ek dapre so plan, sa zom-la finn livre dan zot lame, e zot finn touy li avek led bann move dimounn; zot finn krisifie li.

Let pou Romin 11:19

To kapav dir mwa, “Me finn koup sa bann brans-la zisteman pou fer plas pou gref mwa.”

1 Ko 15:12

Me si nou anons ki Lekris finn resisite parmi bann mor, alor kouma ena parmi zot pe dir ki pena rezireksion bann mor?

1 Ko 15:35

Me li posib zot poz enn kestion: “Kouma bann mor pou resisite? Avek ki kalite lekor zot pou retourne?”

Let Zak 1:13

Si dimounn tante par leprev, fode pa ki li dir, “Bondie ki tant mwa.” Bondie pa kapav tante par lemal, e limem li pa tant personn.

Let Zak 2:18

Kikenn kapav dir; “Enn dimounn ena lafwa e enn lot ena aksion.” Mo pou reponn li: “Montre mwa to lafwa san bann aksion! Abe mwa, mo pou prouv twa mo lafwa par mo bann aksion.”