Let pou Romin 8:30 - Nouvo Testaman Kreol Morisien Harmonisation NTPS KM

³⁰ Sa bann ki Bondie ti swazire davans la, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

Nouvo Testaman dan Kreol Morisien

³⁰ Sa bann ki Bondie ti swazire davans, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

Let pou Romin 8:30 ပူးပေါင်းရင်းမြစ်များ

Zn 17:22

Mo finn donn zot laglwar ki to finn donn mwa pou ki zot vinn enn sel parey kouma nou, nou enn sel.

Zn 17:24

Papa, seki to finn konfie mwa, mo anvi ki la kot mo ete zot avek mwa; pou ki zot kontanple laglwar ki to finn donn mwa e zot pou kone ki to kontan mwa depi avan koumansman kreasion.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Let pou Romin 1:6

E zot osi zot parmi seki Bondie ti apele pou Zezi Kris.

Let pou Romin 11:29

parski Bondie pa sanz so panse lor kisann-la li apele e kisann-la li beni.

Let pou Romin 8:1

Aster-la pena okenn kondanasion pou bann dimounn ki dan Zezi Kris.

Let pou Romin 8:21

ki kreasion limem enn zour pou sap dan pouvwar sa esklavaz ki detrir la, e ki li pou ena par dan liberte ek laglwar bann zanfan Bondie.

Let pou Romin 8:28

Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

1 Ko 1:2

Mo pe ekrir Legliz Bondie ki dan Korint, zot ki finn apele pou vinn lepep Bondie, ki li finn met apar pou li dan Zezi Kris, ansam ar lezot ki partou pe invok nom Segner Zezi Kris, zot Segner ek nou Segner.

1 Ko 1:9

Bondie ki finn apel zot pou viv enn kominion ar so Garson Zezi Kris, sa Bondie-la li fidel.

1 Ko 2:7

Sazes ki mo proklame, enn sazes ki enn sekre Bondie, enn sazes ki ti kasiet e ki ti deside pou nou avan kreasion lemond pou ki nou partisip dan so laglwar.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

2 Ko 4:17

Bann ti traka tanporer ki ariv nou pe prepar nou pou enn laglwar eternel ki extraordiner.

Ga 1:15

Me Bondie dan so lagras finn swazir mwa avan mem ki mo finn ne e li finn apel mwa pou servi li.

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ga 5:8

Sa linflians-la pa vinn depi kot Bondie ki finn apel zot!

Ef 1:11

Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Ef 1:5

Dan lamour li finn predestinn nou pou vinn so bann zanfan adoptif par Zezi Kris, dapre so volonte ek so plezir.

Ef 2:6

Li finn resisit nou avek Lekris pou fer nou regne avek li lao dan lesiel.

Ef 3:11

Tousala ti dapre plan eternel ki li finn realize par Zezi Kris nou Segner.

Ef 4:4

Ena enn sel lekor, enn sel Lespri, e Bondie ti apel zot pou enn sel lesperans.

Let pou Kolosien 3:4

Ler Lekris, ki zot vre lavi, pou manifeste, lerla zot ousi zot pou manifeste dan laglwar ar li.

1 Tes 2:12

Nou finn ankouraz zot, rekonfort zot ek plede pou ki zot amenn enn lavi korek ki onor Bondie, ki apel zot pou partaz ar li so rwayom ek so laglwar.

2 Tim 2:11

Mo donn twa enn parol sir: si nou mor avek Lekris, nou pou viv avek li.

Eb 9:15

Ala kifer li mediater enn nouvo lalians, pou ki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

2 Pi 1:10

Alor mo bann frer ek ser, double zot zefor pou montre vremem ki Bondie finn swazir ek apel zot; ler zot fer sa, zame zot pa pou tom dan lemal.

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 19:9

Apre sa, enn anz ti dir mwa, “Ekrir sa: Zot pou ere, bann ki invite dan maryaz Agno.” Lerla li dir mwa, “Samem vre parol Bondie.”