Let pou Romin 8:29 - Nouvo Testaman Kreol Morisien Harmonisation NTPS KM

²⁹ Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Nouvo Testaman dan Kreol Morisien

²⁹ Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Let pou Romin 8:29 ပူးပေါင်းရင်းမြစ်များ

Psom 1:6

LESEGNER protez e gid lavi dimounn ki zis, me bann ki fer move pou zwenn lapert ek lamor.

Psom 89:27

Mo pou fer li vinn mo premie garson, pli gran parmi bann pli gran lerwa.

Mt 12:50

Parski dimounn ki fer dapre volonte mo Papa ki dan lesiel, limem mo frer, mo ser ek mo mama.”

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti-la ki dan mo fami, ar momem ki zot ti fer sa.’

Mt 28:10

Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”

Mt 7:23

Lerla li pou dir zot, ‘Zame mo pa finn konn zot; sorti la ale, zot ki komet lemal.’

Zn 17:16

Zot pa dan lemond parey kouma mwa, mo pa dan lemond.

Zn 17:19

Mo finn konsakre mwa antierman pou zot; aster-la, zot osi, zot pou konsakre zot dan laverite.

Zn 17:26

Mo finn fer zot konn to nom e mo pe fer li ankor pou ki lamour ki to ena pou mwa res dan zot, kouma mwa mo dan zot.”

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Let pou Romin 11:2

Bondie pa ti rezet so pep ki li ti kone davans. Zot kone ki Lekritir dir letan Eli ti sipliye Bondie pou Izrael:

Let pou Romin 13:14

Plito pran lor zot tou seki Lesegner Zezi Kris pe ofer e pa les zot antrene par zot prop natir pou satisfer so dezir.

Let pou Romin 9:23

E li finn fer sa pou montre rises so laglwar pou bann ki finn gagn so mizerikord, bann ki li finn prepare davans pou resevwar so laglwar.

1 Ko 15:49

Parey kouma nou ti resanble dapre zom ki sorti dan later, parey nou pou kouma zom ki sorti lesiel.

1 Ko 2:7

Sazes ki mo proklame, enn sazes ki enn sekre Bondie, enn sazes ki ti kasiet e ki ti deside pou nou avan kreasion lemond pou ki nou partisip dan so laglwar.

1 Ko 8:3

Me dimounn ki kontan Bondie, Bondie osi kontan li.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

Ef 1:11

Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Ef 4:24

Abiy zot avek enn nouvo natir, ki kree dapre resanblans Bondie dan vre lazistis e lapirte.

Let pou Filipien 3:21

Gras-a so pwisans ki kapav kontrol tou kiksoz, li pou transform nou lekor mortel pou rann li parey kouma so lekor glorifie.

Let pou Kolosien 3:10

e zot finn adopte enn nouvo natir, ki pe kontign renouvle so konesans antan ki zimaz Bondie;

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

1 Pi 1:2

Dapre so plan, Bondie Papa finn swazir zot, e zot finn vinn enn pep sanktifie par so Lespri, pou obeir Zezi Kris ki finn pirifie zot par so disan. Ki lagras ek lape ranpli zot tou.

1 Pi 1:20

Bondie finn swazir li davans, avan mem kreasion lemond e li finn revel li dan sa dernie letan-la pou zot prop bien.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.