Let pou Romin 5:9 - Nouvo Testaman Kreol Morisien Harmonisation NTPS KM

⁹ Aster ki nou zistifie par so disan, ena plis rezon ankor pou ki li sap nou devan lakoler Bondie.

Nouvo Testaman dan Kreol Morisien

⁹ Aster ki nou zistifie par so disan, ena plis rezon ankor pouki li sap nou devan lakoler Bondie.

Let pou Romin 5:9 ပူးပေါင်းရင်းမြစ်များ

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Let pou Romin 1:18

Depi lesiel lao, Bondie montre so koler kont tou pese e tou linzistis ki dimounn komet, e par sa bann move aksion-la zot touf laverite.

Let pou Romin 5:1

Aster-la ki nou finn zistifie par lafwa, nou ena lape avek Bondie atraver nou Segner Zezi Kris.

Let pou Romin 5:10

Nou ti bann lennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Let pou Romin 8:1

Aster-la pena okenn kondanasion pou bann dimounn ki dan Zezi Kris.

Let pou Romin 8:30

Sa bann ki Bondie ti swazire davans la, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

Ef 2:13

Me aster dan linion avek Zezi Kris, zot ki lontan ti lwin, finn koste zot pre par disan Lekris.

Ef 2:3

Nou osi, nou tou ti parmi sa bann-la, nou ti pe viv dapre bann dezir natir pese, nou ti pe fer volonte nou natir e swiv so bann inpilsion. Nou ti merit gagn koler Bondie kouma lezot.

1 Tes 1:10

Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Eb 9:22

Dapre lalwa preske tou kitsoz bizin pirifie avek disan e bann pese pa pou pardone si disan pa verse.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.