Let pou Romin 4:1 - Nouvo Testaman Kreol Morisien Harmonisation NTPS KM

¹ Alor, ki nou pou dir lor Abraam nou anset? Dan tousala, ki li finn gagne?

Nouvo Testaman dan Kreol Morisien

¹ Ki nou pou dir la lor Abraam nou anset? Dan tousala, ki li finn gagne?

Let pou Romin 4:1 ပူးပေါင်းရင်းမြစ်များ

Mt 3:9

Pa nek dir dan zotmem, ‘Abraam nou papa!’ Parski les mo dir zot ki avek sa bann ros-la, Bondie kapav fer bann desandan Abraam leve.

Lk 3:8

Prodir bon fri ki montre ki zot finn sanz zot leker. Pa nek zis dir dan zotmem, ‘Abraam nou papa!’ Parski les mo dir zot, avek sa bann ros-la, Bondie kapav fer bann desandan Abraam leve.

Zn 8:33

Zot reponn li, “Nou bann desandan Abraam; zame nou finn esklav personn; ki to pe rod dir, kan to dir, ‘Zot pou libere’?”

Zn 8:53

Eski to pli gran ki nou papa Abraam? Li finn mor e bann profet osi finn mor; pou ki to pran twa?”

Zn 8:56

Zot papa Abraam ti dan lazwa kan li ti kone ki li pou trouv mo zour. Li finn trouv li, li finn kontan.”

Zistwar Bann Zapot 13:26

Bann frer, desandan Abraam ek zot bann non-Zwif ki ena respe pou Bondie, sa mesaz liberasion la, finn avoye pou nou sa.

Let pou Romin 1:3

Bonn Nouvel ki konsern so Garson, ki desandan David antan ki enn imin,

Let pou Romin 3:5

Me si bann move kiksoz ki nou fer montre lazistis Bondie, ki nou pou dir? Bondie pa zis parski li pini nou? La mo koz kouma enn imin.

Let pou Romin 4:16

Pou sa rezon-la, promes-la baze lor lafwa pou ki li enn don Bondie e li valab pou tou bann desandan Abraam; pa zis pou dimounn ki obeir lalwa, me osi pou dimounn ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 6:1

Ki nou pou dir alor? Eski nou pou kontign fer pese pou ki lagras Bondie vinn pli abondan?

Let pou Romin 7:7

Ki nou kapav dir alor? Eski nou pou dir ki lalwa pese? Pena sime! Mo pa ti pou kone ki savedir pese si pa ti ena lalwa. Mo pa ti pou kone ki savedir konvwatiz si lalwa pa ti dir, “Pa dezir kiksoz lezot dimounn.”

Let pou Romin 8:31

Alor ki nou kapav dir lor sa size-la? Si Bondie avek nou, kisann-la kapav kont nou?

2 Ko 11:22

Bann-la Ebre? Mwa osi. Izraelit? Mwa osi. Desandan Abraam? Mwa osi.

Eb 12:9

Nou paran imin, zot ti koriz nou e nou ti respekte zot. Eski nou pa bizin ankor plis soumet nou avek nou Papa spiritiel pou ki nou gagn lavi.