Let pou Romin 3:4 - Nouvo Testaman Kreol Morisien Harmonisation NTPS KM

⁴ Non, zame! Bondie pou res touletan laverite, mem si bann imin manter. Dan Lekritir finn ekrir, “Bizin rekonet lazistis dan to Parol, e ki to triyonfe kan ziz twa.”

Nouvo Testaman dan Kreol Morisien

⁴ Non, zame! Bondie pou res toultan laverite, mem si bann imin manter. Dan Lekritir finn ekrir, “Bizin rekonet lazistis dan to parol, e ki to triyonfe kan ziz twa.”

Let pou Romin 3:4 ပူးပေါင်းရင်းမြစ်များ

Psom 100:5

LESEGNER li vremem bon; so lamour infini ek eternel; so fidelite kontigne pou touzour.

Psom 116:11

Mo ti telman boulverse mo ti dir, “Bann imin, zot tou manter.”

Psom 119:160

Laverite samem leker to parol, e to bann zizman ki drwat, zot pou reste pou leternite.

Psom 138:2

Mo fer fas to Tanp sakre, mo azenou e mo loue to nom pou to lamour infini e to fidelite parski to finn prouve ki to nom ek to lalwa zot pli ot e pli gran ki tou.

Psom 51:4

Kont twa, kont to tousel ki mo finn fer pese, e mo finn al fer seki to konsider lemal. To ena rezon trouv mwa koupab santans ki to prononse, li zis.

Psom 62:9

Nou, dimounn, nou zis enn ti souf respirasion; ki nou gran ki nou tipti nou pa vo gransoz; met nou lor balans e nou pa pez nanye ditou; nou pli leze ki enn ti labriz.

Mt 11:19

Garson Limanite finn vini, li manze, li bwar e zot dir, ‘Li enn gourman, li soular, li frekant bann ramaser tax ek bann move dimounn.’ Pourtan li finn demontre lasazes Bondie par so bann bon aksion.”

Lk 20:16

Limem pou vini, li pou touy zot enn par enn e li pou donn so karo lot dimounn.” Letan zot tann sa, zot dir, “Pena sime!”

Zn 3:33

Dimounn ki aksepte so temwaniaz sertifie ki Bondie mem laverite.

Let pou Romin 11:1

Alor mo dimande: Eski Bondie ti rezet so pep? Pena sime! Momem mo enn Izraelit, enn desandan Abraam, mo sorti dan tribi Benzamin.

Let pou Romin 11:11

Mo repoz enn kestion: Letan bann Zwif ti tonbe, eski enn tonbe ki pa kapav releve sa? Pa ditou! Me akoz zot fot bann non-Zwif finn sove, pou ki sa fer bann Zwif zalou.

Let pou Romin 3:31

Eski savedir par sa lafwa-la nou kensel lalwa? Pa ditou! Okontrer nou donn li so vre valer.

Let pou Romin 6:15

Abe ki nou pou dir? Eski nou pou fer pese parski nou nepli anba lalwa, me dan lagras Bondie? Pena sime!

Let pou Romin 6:2

Pena sime! Pou seki konsern pese, nou finn mor, li pena pouvwar lor nou; kouma nou kapav kontign viv ladan?

Let pou Romin 7:13

Eski savedir ki seki bon ki finn koz mo lamor? Pena sime! Pese ki lakoz. Koumsa li montre so vre natir pese; li koz mo lamor atraver seki bon, koumsa atraver komannman pese paret pli grav ankor.

Let pou Romin 7:7

Ki nou kapav dir alor? Eski nou pou dir ki lalwa pese? Pena sime! Mo pa ti pou kone ki savedir pese si pa ti ena lalwa. Mo pa ti pou kone ki savedir konvwatiz si lalwa pa ti dir, “Pa dezir kiksoz lezot dimounn.”

Let pou Romin 9:14

Ki nou kapav dir, alor? Ki Bondie inzis? Zame!

1 Ko 6:15

Zot pa kone ki zot lekor li form parti lekor Lekris? Eski mo pou pran enn manb lekor Lekris ek mo fer li vinn enn parti lekor enn prostitie? Zame!

2 Ko 1:18

Bondie mo temwin: nou parol li pa ezitasion ant “Wi” ek “Non.”

Ga 2:17

Me si dan nou zefor pou rod zistifikasion par Kris, nou retrouv noumem peser, eski savedir ki Kris pe servi lakoz nou pese? Biensir ki non!

Ga 2:21

Mo pa pe rann lagras Bondie initil; me si par lalwa ki nou rann nou zis devan Bondie, savedir ki Kris finn mor pou nanye.

Ga 6:14

Abe mwa, mo pou fer vantar akoz lakrwa nou Segner Zezi Kris; par sa lakrwa-la lemond finn fini krisifie pou mwa e mo finn fini krisifie pou lemond.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Eb 6:18

Bondie pa koz manti. Alor so promes ek so serman, se de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

1 Zn 5:10

Dimounn ki krwar dan Garson Bondie, li ena sa temwaniaz-la dan so leker. Dimounn ki pa krwar dan Bondie, li finn fer li pas pou enn manter, parski li pa finn krwar temwaniaz ki Bondie finn done lor so Garson.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: