Let pou Romin 16:18 - Nouvo Testaman Kreol Morisien Harmonisation NTPS KM

¹⁸ Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Nouvo Testaman dan Kreol Morisien

¹⁸ Sa kalite dimoun la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Let pou Romin 16:18 ပူးပေါင်းရင်းမြစ်များ

Psom 119:130

Kan dimounn dekouver to parol sa li ekler zot lavi e bann inioran trouv lizour.

Psom 12:2

Dimounn partou nek koz manti; zot flate ar doub langaz pou tronp zot prosin.

Psom 19:7

Lalwa LESEGNER li parfe; li donn nouvo lafors pou viv. Temwaniaz LESEGNER li valab touletan, li donn sazes bann dimounn sinp.

Proverb 14:15

Dimounn bet, fasilman rant dan piez; dimounn pridan get bien kot li met so lipie.

Proverb 22:3

Dimounn intelizan trouv problem vini e li pran prekosion; bann ki pa reflesi fons drwat, e zot pey konsekans.

Proverb 8:5

Zot, bann ti-lespri, aprann gagn disernman; zot ki ankor bet, aprann vinn intelizan.

Mt 24:11

Boukou fos profet pou leve e pou anbet dimounn.

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Mt 6:24

Personn pa kapav vinn servi de met. Swa li ayir enn ek kontan lot la, oubien li atas li ar enn ek mepriz lot la. Zot pa kapav servi de met.

Mt 7:15

Fer atansion bann fos profet ki vini kouma bann mouton me ki an-verite zot bann loulou feros.

Zn 12:26

Si kikenn anvi servi mwa, fode li swiv mwa; la kot mo ete, mo serviter osi pou la; si kikenn servi mwa, mo Papa pou onor li.”

Let pou Romin 14:18

Seki servi Lekris dan sa fason-la li agreab devan Bondie ek li aprouve par dimounn.

Let pou Romin 16:19

Tou dimounn kone komie zot obeisan, e sa donn mwa boukou lazwa; me mo oule ki zot saz konsernan seki bon, ek ki zot pa fer konpromi avek seki move.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

Ga 1:10

Aster-la, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

Let pou Filipien 2:21

Zot tou pe rod zot prop lintere e non pa seki konsern Zezi Kris.

Let pou Filipien 3:19

Zot pe al ver zot destriksion; zot vant samem zot Bondie, zot fier pou kiksoz ki ti bizin fer zot onte; zot mazinn zis bann zafer sa lemond-la.

Let pou Kolosien 2:4

Mo dir zot sa pou ki personn pa tronp zot avek bel-bel koze.

Let pou Kolosien 3:24

Parski zot kone ki leritaz zot pou resevwar an rekonpans ar Lesegner. Se Lekris ki Lemet, e zot pe servi li.

2 Tes 2:10

Li pou servi tou fason pou fer bann ki pe deperi perdi lespwar parski zot pe refiz aksepte lamour ki sov zot.

1 Tim 6:5

e bann koze zame fini ant dimounn ti-lespri ek dan lerer. Zot panse ki ar larelizion kapav fer profi larzan.

Let Zak 1:1

Mwa, Zak, enn serviter Bondie ek Segner Zezi Kris, Mo pe salie zot tou pep Bondie disperse dan lemond antie.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Let Zid 1:1

Zid, serviter Zezi Kris ek so frer Zak, pe ekrir sa let-la tou bann dimounn ki finn apele par Bondie e ki viv dan lamour Bondie Papa ek anba proteksion Zezi Kris.

Let Zid 1:12

Zot prezans li enn skandal dan zot bann repa fraternel, kot zot fer fet san okenn laont e zot nek okip zotmem. Zot parey bann niaz ki pena lapli e ki divan pe pouse. Zot parey bann zarb ki mem dan lotonn pa donn fri, enn fwa derasinn zot, zot mor pou touletan.

Let Zid 1:16

Sa bann dimounn-la, zot touletan plengne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimounn par intere.

Revelasion 1:1

Revelasion Zezi Kris, ki Bondie finn done pou montre so bann serviter seki pou arive biento. Pou fer konn so mesaz, li finn avoy so anz kot so serviter Zan.