Let pou Romin 12:3 - Nouvo Testaman Kreol Morisien Harmonisation NTPS KM

³ Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

Nouvo Testaman dan Kreol Morisien

³ Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

Let pou Romin 12:3 ပူးပေါင်းရင်းမြစ်များ

Proverb 25:27

Li pa bon manz tro boukou dimiel; li pa bon osi, kan to rod tro boukou loner.

Proverb 26:12

Mil fwa to zwenn enn bet, ki to zwenn enn dimounn ki deklar saz.

Lk 18:11

Farizien-la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimounn, voler, explwater, adilter, e sirtou pa kouma sa komi tax-la.

Zn 3:34

Dimounn ki Bondie finn avoye, koz Parol Bondie, parski Bondie finn donn li Lespri an abondans.

Let pou Romin 1:5

Par li Bondie finn fer mwa lagras pou vinn enn zapot pou al apel dimounn parmi tou bann nasion pou krwar e pou obeir, e sa glorifie so nom.

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.

Let pou Romin 11:25

Mo bann frer, mo bann ser, mo anvi ki zot konn enn mister, pou ki zot pa konsider zotmem kouma bann tro gran saz. Mister-la, seki leker enn parti Izrael finn vinn dir pou enn letan selman, ziska ki lakantite bann non-Zwif konn Bondie.

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa bizin ena enn tro gran lopinion lor zotmem.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

1 Ko 3:10

Dapre lagras ki Bondie finn donn mwa, mo finn poz enn fondasion kouma enn arsitek intelizan, me enn lot pe konstrir lor la. Sakenn bizin fer bien atansion manier ki li pe konstrir.

1 Ko 7:17

Apar sa ka-la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan Legliz partou.

2 Ko 10:13

Nou pena pou fer fezer e fer krwar nou bann terib, me nou pou res dan limit ki Bondie finn etablir, dan travay ki li finn permet nou fer pou ki nou kapav vinn ziska kot zot.

2 Ko 12:13

Ki manier zot pa finn gagn seki lezot Legliz finn gagne? Akoz mo finn refiz explwat zot? Si koumsa, pardonn mwa sa erer-la!

2 Ko 12:7

Me pou ki mo pa gonfle ar lorgey akoz sa bann revelasion extraordiner ki mo finn resevwar la, mo finn resevwar enn soufrans dan mo laser, enn mesaze Satan ki bat mwa, ki anpes mwa gonfle ar lorgey.

Ga 6:3

parski si kikenn panse ki li enn gran dimounn alor ki li nanye ditou, li pe anbet limem.

Ef 3:2

Sirman zot finn tann koz lagras ki Bondie finn akord mwa pou realiz so mision pou zot dibien,

Ef 3:4

Letan zot lir sa, zot kapav konpran konesans ki mo ena lor mister ki konsern Lekris.

Ef 4:16

Par li bann diferan parti lekor vinn ansam; lekor antie tini ansam par bann zwintir; alors koumsa mem li grandi e li devlope dan lamour.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Let pou Kolosien 1:29

Se pou sa ki mo travay, ki mo lite avek tou so lafors ki azir avek pwisans dan mwa.

Let pou Kolosien 2:13

Zot ti finn mor akoz zot bann fot ek zot leker pa sirkonsi; aster Bondie finn donn zot lavi ar Lekris; li finn pardonn tou nou bann fot,

1 Tim 1:14

Nou Segner finn vers lor mwa ankor plis lagras e li finn akord mwa lafwa ek lamour ki dan Zezi Kris.

1 Tim 2:15

me so maternite pou sov li. Selman fode ki bann madam persevere dan lafwa, lamour ek amenn enn bon lavi ek gard enn bon zizman.

1 Tim 2:9

Lor kestion bann madam dan lasanble, fode ki zot abiy zot dan enn fason korek, abiy zot avek respe ek sinplisite; pa fer bann kwafir konplike, pa orn zot lekor ar bizou, perl, e pa met linz extravagan.

Let pou Tit 2:12

Samem lagras ki ansegn nou rezet linkrwayans ek bann zwisans lemond pou amenn enn lavi sinp lor later dan lazistis ek lafwa.

Let pou Tit 2:2

Instrir bann granper: zot bizin sinp, ena dignite, koz ar sazes, profon dan zot lafwa, ena lamour ek perseverans.

Let pou Tit 2:4

pou aprann bann zennfam kontan zot mari ek zot zanfan,

Let pou Tit 2:6

Invit bann zenes pa exazere dan zot konportman.

Let Zak 4:6

Me Bondie donn tou dimounn boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

3 Zn 1:9

Mo finn ekrir enn ti let Legliz; me Diotref, ki kontan touzour met li an-avan, pa finn aksepte nou lotorite.