Let pou Romin 12:1 - Nouvo Testaman Kreol Morisien Harmonisation NTPS KM

¹ Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Nouvo Testaman dan Kreol Morisien

¹ Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Let pou Romin 12:1 ပူးပေါင်းရင်းမြစ်များ

Psom 116:12

Ki bon kiksoz mo kapav donn LESEGNER pou remersie li pou tou so bienfe?

Psom 19:14

Fer ki parol mo labous e meditasion mo leker zot akseptab devan twa, O SEGNER, tomem mo protekter ek mo liberater.

Lk 7:47

Ala mo dir twa, tou so pese finn pardone parski li finn montre boukou lamour. Dimounn ki gagn tigit pardon, montre tigit lamour”.

Let pou Romin 12:2

Pa rant dan moul sa lemond-la, me les Bondie transform zot par enn intelizans nouvo, pou ki zot kapav diserne ki volonte Bondie, setadir seki bon, seki agreab, seki parfe.

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

Let pou Romin 15:30

Mo fer enn lapel, mo bann frer, mo bann ser, par nou Segner Zezi Kris e par lamour ki Lespri Sin done: zwenn zot ansam ar mwa pou priye Bondie pou mwa.

Let pou Romin 2:4

Oubien to mepriz bonte, pasians ek tolerans Bondie, san ki to realize ki so bonte pe rod fer twa repanti?

Let pou Romin 6:13

Pa livre diferan parti zot lekor pou ki pese fer zot vinn instriman move kiksoz; okontrer ofer zotmem Bondie kouma bann dimounn vivan ki finn sorti depi dan lamor, e ofer zotmem an antie kouma instriman pou enn lavi drwat devan Bondie.

Let pou Romin 6:16

Eski zot pa kone kan zot livre zotmem kouma enn esklav pou obeir enn dimounn, zot esklav sa dimounn ki zot pe obeir la? Swa zot esklav pese ki ena pou rezilta lamor ou esklav lobeisans ki ena pou rezilta lavi drwat devan Bondie.

Let pou Romin 6:19

Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, aster-la ofer zotmem kouma esklav lavi drwat devan Bondie ki pou amenn zot ver enn lavi sin.

Let pou Romin 9:23

E li finn fer sa pou montre rises so laglwar pou bann ki finn gagn so mizerikord, bann ki li finn prepare davans pou resevwar so laglwar.

1 Ko 1:10

Dan nom nou Segner Zezi Kris, mo fer enn lapel pou ki zot tou res dakor ant zot, pou ki pena okenn divizion parmi zot e ki zot bien ini dan enn sel panse ek enn sel konviksion.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

2 Ko 4:1

Parski par mizerikord Bondie, nou ena enn minister pou akonpli, nou pa kapav perdi kouraz.

2 Ko 4:16

Akoz sa nou pa perdi kouraz. Mem si nou kote fizik pe deteryore, nou kote spiritiel pe renouvle zour apre zour.

2 Ko 5:20

Alor dan nom Lekris, nou vinn bann anbasader, koumadir Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Ef 4:1

Mwa ki prizonie parski mo servi Lesegner, mo sipliy zot viv enn lavi ki dign sa lapel ki zot finn gagne la,

Ef 5:10

Sey rod tou seki fer Bondie plezir.

Let pou Filipien 1:20

Mo pli gran dezir ek lesperans, ki mo vinn laont lemond, me ki avek enn gran kouraz, aster-la e pou touzour, ki Kris pou onore dan mwa, swa par mo lavi oubien mo lamor.

Let pou Filipien 2:17

Mem si mo disan bizin fane pou sakrifis ek servis zot lafwa, mo zwaye e mo rezwir avek zot tou.

Let pou Filipien 4:18

Mo finn resevwar tou, mem plis ki seki mo pou bizin. Epafrodit finn aport mwa zot bann don kouma enn sakrifis kifer plezir Bondie.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Aster-la nou dimann zot e nou sipliy zot lor nom Segner Zezi, pou fer plis ankor.

1 Tes 4:10

Biensir, zot kontan tou bann frer ek ser dan Masedwann. Me nou sipliy zot pou fer ankor plis.

1 Tes 5:12

Mo bann frer e ser, nou pe dimann zot pou respekte bann ki pe travay parmi zot, ki instrir zot, e ki ansarz zot devan Lesegner.

1 Tim 2:3

Sa li enn gran zafer e li agreab pou Bondie nou Sover

1 Tim 5:4

Si enn vev ena zanfan ou ti-zanfan, bizin montre zot kouma met an-pratik zot lafwa anver zot fami e rann zot paran ou gran paran seki zot dwa. Vremem, sa pou fer Bondie plezir.

Let pou Filemon 1:10

mo fer enn reket pou Onezim ki mo finn pran pou mo zanfan dan Kris.

Let pou Filemon 1:9

pourtan mo pou plito fer twa enn lapel baze lor lamour. Mwa, Pol, enn vieyar, anplis aster-la enn prizonie Zezi Kris,

Eb 13:22

Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

1 Pi 2:20

Ofet ki merit zot ena si zot siport bann kou kan zot finn fer ditor? Me si, apre ki zot finn fer dibien, zot ena pou soufer, sa li enn lagras devan Bondie.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.