Let pou Romin 10:2 - Nouvo Testaman Kreol Morisien Harmonisation NTPS KM

² Mo kapav dir ki zot ena zel pou Bondie, me li enn zel ki pa baze lor vre konesans.

Nouvo Testaman dan Kreol Morisien

² Mo kapav dir ki zot ena zel pou Bondie, me li enn zel ki pa baze lor vre konesans.

Let pou Romin 10:2 ပူးပေါင်းရင်းမြစ်များ

Psom 14:4

Bann ki fer lemal, zot pa konpran? Zot devor mo bann fidel kouma zot devor manze, e zot pa invok nom LESEGNER?

Proverb 19:2

Kan pa pran letan reflesi avan azir, li danzere; kan tro prese, kapav zwenn kogne.

Zn 16:2

Bann-la pou met zot deor dan sinagog. Me ler pe vini kot dimounn, ki pou touy zot, pou krwar ki zot pe servi Bondie kan zot pe fer sa,

Zistwar Bann Zapot 21:20

Ler zot ti tann sa, zot ti glorifie Bondie. Apre zot dir Pol, “Frer, get komie milie krwayan ena parmi bann Zwif e zot tou bien atase ar Lalwa.

Zistwar Bann Zapot 21:28

Zot kriye, “Izraelit, osekour, ala sa zom ki pe al partou e pe mont bann dimounn kont lepep Izrael, kont Lalwa Moiz e kont Tanp. Pa fini, lor la li finn amenn bann ki pa Zwif dan Tanp e li fer sa landrwa-la vinn inpir.”

Zistwar Bann Zapot 22:22

Lafoul ti ekout Pol ziska so dernie parol. Lerla zot kriye for-for, “Fer sa boug-la disparet do! Touy li! Li pa dign viv lor sa later-la!”

Zistwar Bann Zapot 22:3

“Mo enn Zwif. Mo finn ne dan lavil Tars dan Silisi, me mo finn grandi isi dan Zerizalem kouma enn etidian Gamaliel. Mo finn gagn enn formasion bien serye lor lalwa nou bann anset. Mo ti enn partizan ki ti ena boukou zel pou Bondie, parey kouma zot zordi.

Let pou Romin 10:1

Mo bann frer, mo bann ser, dezir mo leker ek lapriyer ki mo fer Bondie pou bann Izraelit, se ki zot sove.

Let pou Romin 10:3

Zot pa ti konn lazistis Bondie, alor zot ti sey etablir zot prop drwatir; alor zot pa ti soumet zot ar lazistis Bondie.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

2 Ko 8:3

Mo kapav rasir zot ki bann-la finn donn otan ki zot kapav, e mem plis ki zot kapav.

Ga 1:14

Mo ti devans tou mo bann frer Zwif ki ti dan mo laz dan pratik larelizion, sitan mo ti devwe pou tradision mo bann anset.

Ga 4:15

Kot sa lazwa-la finn pase? Mo temwin ki si zot ti kapav aras zot lizie pou donn mwa, zot ti pou fer li.

Let pou Filipien 1:9

Mo priye ki zot lamour pou kontigne grandi boukou, ansam avek vre konesans ek konpreansion

Let pou Filipien 3:6

Mo ti telman kontan pratik lalwa kouma enn Farizien, ki mo ti persekit legliz. Personn pa kapav repros nanye lor mo lavi.

Let pou Kolosien 4:13

Mo finn temwin ki li pran boukou lapenn pou zot, pou bann ki Laodise ek Ierapolis.