Let pou Romin 1:11 - Nouvo Testaman Kreol Morisien Harmonisation NTPS KM

¹¹ Mo anvi trouv zot pou ki mo kapav partaz ar zot benediksion ki Lespri Bondie done, pou fortifie zot.

Nouvo Testaman dan Kreol Morisien

¹¹ Mo anvi trouv zot pouki mo kapav partaz ar zot benediksion ki Lespri Bondie done, pou fortifie zot.

Let pou Romin 1:11 ပူးပေါင်းရင်းမြစ်များ

Zistwar Bann Zapot 16:5

Bann Legliz ti pe vinn pli for dan lafwa e zot kantite ti pe ogmante zour apre zour.

Zistwar Bann Zapot 19:21

Apre tou sa bann evennman-la, Lespri Sin gid Pol pou pas par Masedwann ek Akai pou al Zerizalem. Li dir, “Kan mo sorti laba, mo bizin al Rom.”

Zistwar Bann Zapot 19:6

Letan Pol inpoz lame lor zot, Lespri Sin desann lor zot e zot koumans koz an lang e profetize.

Let pou Romin 1:12

Seki mo oule dir, mo oule ki nou toule-de ankouraz nou kamarad par lafwa ki nou ena.

Let pou Romin 15:23

Aster-la mo travay dan rezion isi finn termine. Depi plizir lane mo pe anvi rann zot vizit.

Let pou Romin 15:29

Mo kone ki letan mo vinn kot zot mo pou vinn avek benediksion Lekris an abondans.

Let pou Romin 15:32

Koumsa mo pou ariv kot zot ranpli ar lazwa, si li volonte Bondie, e mo pou gagn enn bon repo ki pou fer mwa dibien.

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

2 Ko 1:15

Mo ti telman sir lor sa size-la, ki mo ti finn fer plan pou vizit zot pou ki zot gagn doub benediksion.

2 Ko 1:21

Bondie limem ki finn fer nou vinn ferm ansam avek zot dan nou lavi avek Lekris. Bondie limem donn nou lonksion,

2 Ko 11:4

An-efe, zot kapav toler ninport kisann-la ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri ek Bonn Nouvel ki nou finn anons zot.

2 Ko 9:14

Bann-la pou priye pou zot avek enn gran lafeksion akoz lagras extraordiner ki Bondie akord zot.

Let pou Filipien 1:8

Bondie, li temwin, ki kantite mo anvi trouv zot. Li kone mo pran zot swin parey kouma Zezi Kris.

Let pou Filipien 2:26

Li ena enn gran dezir retrouv zot tou e li ti inkie ler li ti kone ki zot ti gagn nouvel so maladi.

Let pou Filipien 4:1

Mo bann frer e ser, mo bien kontan zot, e mo pe atann zot avek inpasians. Zotmem mo lazwa; res fidel dan zot lavi avek Bondie.

1 Tes 3:13

E ki li fortifie zot leker, e fer li vinn sin pou ki zot kapav dibout san repros devan Bondie nou Papa ler nou Segner Zezi retourne avek tou bann sin. Amen.

1 Tes 3:2

e nou finn avoy nou frer Timote, kolaborater Bondie pou anons Bonn Nouvel Zezi Kris, pou ankouraz zot pou tini ferm dan zot lafwa,

2 Tes 2:17

li ranpli zot leker avek kouraz e li akord zot lafors pou touzour pratik seki bien, par zot aksion ek zot parol.

2 Tes 3:3

Me Lesegner ki fidel, li pou fortifie zot e gard zot proteze kont diab.

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

1 Pi 5:12

Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.

2 Pi 1:12

Akoz samem mo panse li normal ki mo kontigne rapel zot sa bann kitsoz-la, mem si zot deza konn li e ki zot bien atase ek laverite ki zot ena aster-la.