Let pou Romin 1:1 - Nouvo Testaman Kreol Morisien Harmonisation NTPS KM

¹ Mwa Pol, mo enn serviter Zezi Kris, enn zapot ki Bondie finn swazire ek apele pou pres so Bonn Nouvel,

Nouvo Testaman dan Kreol Morisien

¹ Mwa Pol, mo enn serviter Zezi Kris, enn apot ki Bondie finn swazire ek apele pou pres so Bonn Nouvel,

Let pou Romin 1:1 ပူးပေါင်းရင်းမြစ်များ

Mk 1:14

Letan bann-la finn aret Zan, Zezi rant dan Galile. Li koumans proklam Bonn Nouvel Bondie.

Zn 12:26

Si kikenn anvi servi mwa, fode li swiv mwa; la kot mo ete, mo serviter osi pou la; si kikenn servi mwa, mo Papa pou onor li.”

Zn 15:15

Mo nepli apel zot serviter, parski enn serviter pa kone ki so met fer; mo apel zot kamarad, parski tou seki mo finn tande kot mo Papa, mo finn fer zot kone.

Zn 15:20

Rapel parol ki mo finn dir zot, ‘Enn serviter pa pli gran ki so met.’ Si bann-la finn persekit mwa, bann-la pou persekit zot osi. Si bann-la swiv mo parol, bann-la pou swiv zot parol osi.

Zistwar Bann Zapot 13:9

Sol, ki ti osi apel Pol, ti ranpli ar Lespri Sin. Li get Elimas drwat dan so lizie e li dir li,

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwaniaz Bonn Nouvel ki montre lagras Bondie.

Zistwar Bann Zapot 21:40

Komandan donn li permision. Li debout lao peron, li fer lepep signal ar so lame pou zot res trankil. Letan finn ena enn gran silans, li koz ar zot dan langaz Arameen.

Zistwar Bann Zapot 22:21

Lesegner dir mwa, ‘Ale, mo pou avoy twa lwin, kot bann lezot nasion!’ ”

Zistwar Bann Zapot 22:7

Mo tom anba lor later. Enn lavwa dir mwa, ‘Sol, Sol, kifer to pe persekit mwa?’

Zistwar Bann Zapot 26:1

Agripa dir Pol, “To gagn drwa koze pou defann twa.” Lerla Pol lev so lame ek koumans defann limem, li dir,

Zistwar Bann Zapot 26:14

Nou tou finn tom parter; mo tann enn lavwa dir mwa dan langaz Arameen, ‘Sol, Sol, ki fer to persekit mwa? To pou fer tomem dimal si to rezinbe kouma enn zanimo ki flank koutpie kont baton so met.’

Zistwar Bann Zapot 27:23

Yer swar, Bondie ki mo adore e ki mo servi, finn avoy mwa enn anz ki finn dir mwa,

Zistwar Bann Zapot 9:15

Lesegner dir li, “Ale, parski limem sa instriman ki mo finn swazir pou amenn Bonn Nouvel kot bann payin e zot lerwa, e osi kot lepep Izrael.

Let pou Romin 1:16

Mo ena konfians total dan Bonn Nouvel. Limem lafors ki Bondie servi pou sov tou seki krwar, bann Zwif dabor, me osi bann non-Zwif.

Let pou Romin 1:5

Par li Bondie finn fer mwa lagras pou vinn enn zapot pou al apel dimounn parmi tou bann nasion pou krwar e pou obeir, e sa glorifie so nom.

Let pou Romin 1:9

Bondie mo temwin. Mo servi li ar tou mo leker par Bonn Nouvel ki mo anonse ki konsern Zezi Kris. Li kone ki mo pans zot touletan, sak fwa ki mo priye.

Let pou Romin 11:13

Mo adres mwa ar zot, bann non-Zwif. Antan ki Zapot bann non-Zwif mo rann glwar Bondie pou mo minister

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

Let pou Romin 15:29

Mo kone ki letan mo vinn kot zot mo pou vinn avek benediksion Lekris an abondans.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

1 Ko 1:1

Mwa Pol, ki Bondie finn swazire, par so volonte, pou vinn enn Zapot, ansam avek nou frer Sostenn,

1 Ko 9:1

Eski mo pa lib mwa? Eski mo pa enn Zapot, mwa? Eski mo pa finn trouv Zezi nou Segner? Eski zot pa rezilta travay ki mo finn fer dan Lesegner?

2 Ko 1:1

Mwa Pol, enn Zapot Zezi Kris par volonte Bondie, ek Timote nou frer, Mo pe ekrir zot, Legliz ki dan Korint, ek tou bann krwayan ki partou dan Akai:

2 Ko 11:5

Mo panse ki mo pa inferyer dan okenn fason ar zot “siper-zapot.”

2 Ko 11:7

Eski mo ti ena tor letan mo ti abes mwa pou ki zot gagn linportans, parski mo finn anons zot Bonn Nouvel Bondie gratis?

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

2 Ko 2:12

Letan mo ti vinn Troas pou anons Bonn Nouvel Lekris mo ti dekouver ki Lesegner ti ouver enn laport pou mwa

2 Ko 4:5

Dan nou predikasion, nou pa anons noumem, me nou proklam Zezi Kris kouma Segner, ek noumem nou zot serviter akoz Zezi.

Ga 1:1

Mwa Pol, zapot, pa par volonte bann imin oubien lotorite zom, me par Zezi Kris ek Bondie Papa ki finn resisit li parmi bann mor,

Ef 1:1

Mwa Pol, enn zapot Zezi Kris par volonte Bondie, mo pe ekrir bann krwayan e bann fidel dan Zezi Kris.

Ef 1:13

Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

Ef 4:11

Limem ki finn fer don; ena li finn fer zapot, lezot profet, evanzelis, paster ek ansegnan,

Let pou Filipien 1:1

Mwa Pol ek Timote, serviter Zezi Kris. Nou pe ekrir lepep Bondie dan Filip, zot bann levek ek bann diak.

Let pou Filipien 2:11

e tou dimounn pou proklam ki Zezi Kris limem Segner, pou laglwar Bondie Papa.

Let pou Kolosien 1:1

Mwa Pol, zapot Zezi Kris par volonte Bondie, ek frer Timote.

Let pou Kolosien 1:25

mo finn vinn serviter par sarz ki Bondie finn konfie mwa pou zot: fer konn Parol Bondie,

1 Tes 2:2

Kouma zot kone, nou finn gagn maltrete e nou finn soufer dan Filip, me nou ti ena kouraz dan nou Bondie pou anons zot Bonn Nouvel Bondie malgre tou lopozision.

1 Tes 2:8

Nou lafeksion pou zot li telman gran ki nou ti pare pou partaz avek zot, pa zis Bonn Nouvel Bondie me osi nou prop lavi, telman zot ti finn vinn pros ar nou.

1 Tes 2:9

Frer ek ser, zot rapel nou lapenn ek nou travay. Nou finn trime lanwit-lizour pou ki nou pa enn fardo pou zot letan ki nou pe anons zot Bonn Nouvel Bondie.

1 Tim 1:1

Mwa, Pol, mo finn vinn zapot Zezi Kris gras-a promes Bondie nou Sover ek Zezi Kris nou lesperans.

1 Tim 2:7

Li finn swazir mwa pou proklam so mesaz e li avoy mwa kouma enn zapot pou pran sarz ek pou instrir tou bann ki pa Zwif dan lafwa ek laverite; seki mo pe dir li vre.

2 Tim 1:11

Bondie finn swazir mwa kouma enn predikater, enn zapot, enn dokter.

Let pou Tit 1:1

Mwa Pol, serviter Bondie, mo enn zapot Zezi Kris ki finn swazir pou amenn bann krwayan dan lafwa ek gid zot dan laverite.

Eb 5:4

Personn pa kapav pran sa bann loner gran pret la pou limem. Bondie ki finn apel li parey kouma li finn apel Aaron.

Eb 7:26

Samem sa kalite gran pret-la ki nou ti bizin. Kikenn ki sin, san okenn defo, ki pena pese, separe avek bann peser e ki plase pli ot dan lesiel.

Let Zak 1:1

Mwa, Zak, enn serviter Bondie ek Segner Zezi Kris, Mo pe salie zot tou pep Bondie disperse dan lemond antie.

1 Pi 4:17

Ler finn arive kot zizman pou koumanse lor pep Bondie; si li koumans avek nou, kouma sa pou ete avek lezot ki dezobeir Bonn Nouvel ki sorti kot Bondie?

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

Let Zid 1:1

Zid, serviter Zezi Kris ek so frer Zak, pe ekrir sa let-la tou bann dimounn ki finn apele par Bondie e ki viv dan lamour Bondie Papa ek anba proteksion Zezi Kris.

Revelasion 1:1

Revelasion Zezi Kris, ki Bondie finn done pou montre so bann serviter seki pou arive biento. Pou fer konn so mesaz, li finn avoy so anz kot so serviter Zan.

Revelasion 22:6

E li dir mwa, “Sa bann parol-la, zot vre ek sir. Lesegner Bondie ki inspir bann profet, finn avoy so anz-la pou montre so bann serviter seki pou arive biento.

Revelasion 22:9

Me li dir mwa, “Fode pa ki to fer sa, mo enn serviter parey kouma twa, parey kouma to bann frer profet ek tou lezot ki gard parol sa liv-la. Bondie ki to bizin adore.”