Let pou Filipien 3:1 - Nouvo Testaman Kreol Morisien Harmonisation NTPS KM

¹ Aster-la mo bann frer ek ser, mo swet zot lazwa dan Lesegner. Li pa enn problem pou mwa repet seki mo finn deza dir zot,

Nouvo Testaman dan Kreol Morisien

¹ Asterla mo bann frer ek ser, mo souet zot lazwa dan Lesegner. Li pa enn problem pou mwa repet seki mo finn deza dir zot,

Let pou Filipien 3:1 ပူးပေါင်းရင်းမြစ်များ

Psom 149:2

Izrael, exprim to boner akoz to Kreater; pep Sion, montre zot lazwa, selebre zot Lerwa.

Psom 32:11

Zot ki viv dan drwatir, dans avek lazwa dan LESEGNER! Kriye zot lazwa, zot ki ena leker drwat.

Psom 33:1

Tou ki viv dan drwatir sant for-for zot lazwa dan LESEGNER. Li bon sant so louanz tou dimounn ki obeir li.

Psom 37:4

Si to rod to boner dan LESEGNER li pou donn twa dezir ki ena dan to leker.

Psom 42:4

Mo leker segne ler mo rapel lepase kan ansam dan lafoul nou ti al ver lakaz Bondie; kan mo ti pe gid laprosesion lor bon sime. Nou ti telman ere letan nou ti pe sant for-for nou rekonesans ek nou lazwa!

Psom 5:11

Me tou ki konfie zot ar twa pou gagn to proteksion; zame zot pou fini sante ar sa lazwa la; protez bann ki kontan to nom, akoz twa zot kriye ar lazwa.

Psom 97:1

LESEGNER, limem lerwa! Later dans ar lazwa! Tou bann lil atraver losean, montre zot kontantman!

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsa mem zot ti persekit bann ansien profet.

Lk 1:47

e mo leker ranpli ar lazwa akoz Bondie, mo Sover,

Let pou Romin 5:11

Ek ena plis ankor: nou met nou fierte dan Bondie par nou Segner Zezi Kris, par ki, aster, nou finn rekonsilie ar Bondie.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Ef 6:10

Pou termine, fortifie zot dan Lesegner ek dan lafors so pwisans.

Let pou Filipien 3:3

Nou, nou bann vre sirkonsi. Nou loue Bondie par so Lespri. Nou laglwar trouv dan Zezi e nou pa met nou konfians dan okenn imin.

Let pou Filipien 4:4

Rezwir zot touletan dan Lesegner. Mo repete; rezwir zot.

Let pou Filipien 4:8

Finalman, mo bann frer e ser, pans bien lor tou seki vre, onorab, zis, pir, admirab ek tou seki merit nou louanz.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Aster-la nou dimann zot e nou sipliy zot lor nom Segner Zezi, pou fer plis ankor.

1 Tes 5:16

Res touzour dan lazwa.

Let Zak 1:2

Mo bann kamarad, konsider li kouma enn lazwa letan zot fer fas avek bann moman eprev,

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

2 Pi 3:1

Mo bann frer ek ser, sa fer deziem let ki mo ekrir zot. Dan toule-de, mo finn sey rapel zot bann souvenir pou stimil zot lespri avek bon panse.