Let pou Filipien 2:7 - Nouvo Testaman Kreol Morisien Harmonisation NTPS KM

⁷ Li finn limem renons tou, li finn pran kondision enn esklav, li ti vinn imin e ti rekonet li dan so form imin.

Nouvo Testaman dan Kreol Morisien

⁷ Li finn limem renons tou, li finn pran kondision enn esklav, li ti vinn imin e ti rekonet li dan so form imin.

Let pou Filipien 2:7 ပူးပေါင်းရင်းမြစ်များ

Psom 22:6

Me mwa, pa kapav dir mo enn imin; mo kouma enn lever; bann dimounn insilte mwa, lepep rezet mwa.

Mt 12:18

“Ala mo serviter, ki mo finn swazir, mo bieneme, dan ki mo finn met tou mo lazwa. Mo pou met mo Lespri lor li, e li pou pres lazistis ar bann payin

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Mk 9:12

Li reponn zot, “Premie dabor, Eli pe vini pou dres tou e met tou dan lord; alor kifer finn ekrir ki Garson Limanite pou soufer boukou e pou gagn maltrete?”

Lk 22:27

Parski kisann-la pli gran? Seki atab oubien seki pe servi? Pa plito seki atab la? Me mwa mo parmi zot kouma sa kikenn ki pe servi la.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Let pou Romin 1:3

Bonn Nouvel ki konsern so Garson, ki desandan David antan ki enn imin,

Let pou Romin 15:3

Lekris pa ti fer limem plezir. Okontrer, dapre seki Lekritir dir, “Insilt ki ti pe avoy lor twa, finn tom lor mwa.”

Let pou Romin 15:8

Mo dir zot, Lekris ti vinn serviter bann Zwif pou prouv laverite Bondie, pou konfirm promes ki ti fer zot bann anset, bann patriars.

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

2 Ko 13:4

Letan ti krisifie li, li ti dan febles, me aster-la li vivan par pwisans Bondie. Dan Lekris nou osi nou feb, me par pwisans Bondie nou pou vivan avek li pou zot.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Ga 4:4

Me letan ler fixe arive, Bondie ti avoy so Garson; enn fam inn donn li nesans, li ti soumet anba lalwa,

Let pou Filipien 2:6

Zezi, mem si li touletan ti ena natir Bondie, li pa finn anvi vinn egal ar Bondie.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.

Eb 13:3

Mazinn bann ki dan prizon, fer koumadir zot osi, zot ansam dan prizon e parski zot enn mem lekor, partaz soufrans bann ki pe gagn maltrete.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.