Let pou Filipien 1:6 - Nouvo Testaman Kreol Morisien Harmonisation NTPS KM

⁶ Mo sir ki Bondie ki finn koumans enn bon travay dan zot la, pou kontigne travay-la ziska lafin, ziska zour Zezi Kris.

Nouvo Testaman dan Kreol Morisien

⁶ Mo sir ki sa kikenn ki finn koumans enn bon travay dan zot la, pou kontigne travay ziska so finision, ziska zour Zezi Kris.

Let pou Filipien 1:6 ပူးပေါင်းရင်းမြစ်များ

Psom 138:8

LESEGNER pou onor tou promes li finn fer pou mwa; SEGNER, to lamour infini li eternel. Kontign zoli travay ki to finn koumanse.

Zn 6:29

Zezi reponn zot, “Fer travay Bondie, se krwar dan Sa-Enn ki li finn avoye la.”

Zistwar Bann Zapot 11:18

Kan bann-la tann sa zot res trankil. Zot ti glorifie Bondie. Zot dir, “Alor Bondie finn donn bann ki pa Zwif repantans ki donn vre lavi.”

Zistwar Bann Zapot 16:14

Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

1 Ko 1:8

Li pou gard zot ferm ziska lafin, koumsa pa pou ena okenn repros kont zot sa zour kan Zezi Kris retourne la.

2 Ko 1:15

Mo ti telman sir lor sa size-la, ki mo ti finn fer plan pou vizit zot pou ki zot gagn doub benediksion.

2 Ko 2:3

Ala kifer mo finn ekrir zot sa manier-la, koumsa kan mo vini mo pa pou sibir tristes par dimounn ki ti bizin donn mwa lazwa. Mo ena lasirans ki si mo dan lazwa, zot tou pou dan lazwa.

2 Ko 7:16

Mo dan lazwa parski mo kapav kont lor zot dan tou kiksoz.

2 Ko 9:4

Selman, si bann Masedonien vinn avek mwa e zot dekouver ki nanye pa finn pare, nou pou vremem onte; san mansione komie zot, zot pou dan laont, telman nou ti ena lasirans letan nou ti koze.

Ga 5:10

Mo ena konfians dan Bondie ki zot pa pou pran enn lot direksion. Ninport kisann-la ki pe met dezord parmi zot, li pou gagn so pinision.

Ef 4:12

pou ki bann krwayan ena kapasite akonplir zot minister, pou grandi lekor Lekris.

Let pou Filipien 1:10

pou ki zot kapav disern seki bien. Lerla zot pou pir ek san repros letan Kris revini,

Let pou Filipien 1:29

Zot finn gagn privilez pou non selman krwar dan Kris me osi soufer pou li.

Let pou Filipien 2:12

Mo bann kamarad, zot finn touletan obeisan ler mo ti avek zot, aster ki mo absan, zot bizin plis obeisan ankor. Dan imilite ek reverans, travay pou zot delivrans,

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Let pou Filipien 2:16

Parski zot finn port mesaz ki donn lavi, zour Lesegner li pou enn fierte pou mwa. Mo pou kone ki mo pa finn galoupe ek travay pou nanye.

Let pou Kolosien 2:12

Zot finn plonze ar li dan batem, ar li zot finn resisite parski zot finn krwar dan lafors Bondie ki finn resisit li depi bann mor.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

2 Tes 1:11

Akoz samem nou priye pou zot, nou dimann Bondie ki zot res fidel ar so lapel e ki so lagras permet zot realiz zot dezir pou fer seki bien e rann zot lafwa aktif.

2 Tes 3:4

Nou fer zot konfians dan Lesegner; nou kone ki zot pe fer seki bien e ki zot pou kontigne fer bann kitsoz ki nou dir zot fer.

Let pou Filemon 1:21

Mo sir ki letan mo pe ekrir twa to pou fer seki mo pou demann twa, e to pou fer plis ankor.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

2 Pi 3:10

Zour Lesegner pou vini kouma enn voler dan lanwit; lerla lesiel pou disparet avek enn gran fraka e tou bann zetwal avek laflam pou dezintegre, e later ek tou seki lor li pou disparet.