Ga 6:3 - Nouvo Testaman Kreol Morisien Harmonisation NTPS KM

³ parski si kikenn panse ki li enn gran dimounn alor ki li nanye ditou, li pe anbet limem.

Nouvo Testaman dan Kreol Morisien

³ parski si kikenn panse ki li enn gran dimoun alor ki li nanye ditou, li pe anbet limem.

Ga 6:3 ပူးပေါင်းရင်းမြစ်များ

Proverb 25:14

Dimounn ki touletan promet kado, me zame pa done, li kouma niaz ek divan ki zame donn lapli.

Proverb 26:12

Mil fwa to zwenn enn bet, ki to zwenn enn dimounn ki deklar saz.

Lk 18:11

Farizien-la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimounn, voler, explwater, adilter, e sirtou pa kouma sa komi tax-la.

Zistwar Bann Zapot 5:36

Parski pa tro lontan enn kikenn ki ti apel Teodas ti deklar li enn terib; kat san zom ti mars ar li. Me li ti trouv lamor, e tou seki ti pe swiv li ti disperse, e mouvman-la ti tengn.

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa bizin ena enn tro gran lopinion lor zotmem.

Let pou Romin 12:3

Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

1 Ko 13:2

Si mo ena don profetize, mo posed kapasite plonz dan tou mister ek konesans, e si mo ena lafwa pou bouz montagn, me mo pena lamour, mo enn nanye ditou.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

1 Ko 8:2

Seki krwar li konn kiksoz, li pa ankor konn tou seki bizin kone.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

2 Ko 3:5

Pa nou ki ena konpetans pou fer sa travay-la, Bondie ki donn nou kapasite.

Ga 2:6

Me pou seki konsern dimounn ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimounn-la pa finn inpoz nanye nouvo ar Bonn Nouvel ki mo anonse.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimounn ek zot pou tronp zotmem.

Let Zak 1:22

Fode pa ki zot anbet zotmem parski zot zis ekout so parol me zot pa met li an pratik.

Let Zak 1:26

Si kikenn krwar li enn relizie e li pa vey so lalang, li pe tronp limem, so larelizion pena okenn valer.

1 Zn 1:8

Si nou dir ki nou pena pese, nou tronp noumem, e laverite pa dan nou.