Ga 5:10 - Nouvo Testaman Kreol Morisien Harmonisation NTPS KM

¹⁰ Mo ena konfians dan Bondie ki zot pa pou pran enn lot direksion. Ninport kisann-la ki pe met dezord parmi zot, li pou gagn so pinision.

Nouvo Testaman dan Kreol Morisien

¹⁰ Mo ena konfians dan Bondie ki zot pa pou pran enn lot direksion. Ninport kisannla ki pe met dezord parmi zot, li pou gagn so pinision.

Ga 5:10 ပူးပေါင်းရင်းမြစ်များ

Zistwar Bann Zapot 15:24

Nou finn tann dir ki de-trwa dimounn ki sorti kot nou, finn trakas zot ek boulvers zot par seki zot finn dir. Nou pa ti donn bann-la okenn instriksion.

1 Ko 5:5

pran sa zom-la e met li dan lame Satan pou ki so natir pese konn destriksion, me ki so lespri sove zour ki Lesegner pou fer zizman.

2 Ko 1:15

Mo ti telman sir lor sa size-la, ki mo ti finn fer plan pou vizit zot pou ki zot gagn doub benediksion.

2 Ko 10:2

Mo sipliye zot, pa les mwa montre mo lodas kan mo vinn kot zot, parski mo pou montre fermte anver bann ki pretann ki nou azir par motivasion imin.

2 Ko 10:6

Enn fwa ki zot prouve ki zot obeisans li konple, nou pou pare pou pini tou dezobeisans.

2 Ko 13:10

Akoz sa mo ekrir tousala kouma mo lwin ar zot, pou ki letan mo vini mo pa bizin pran bann aksion sever par lotorite ki Lesegner finn donn mwa pou edifie, e non pou detrir.

2 Ko 2:3

Ala kifer mo finn ekrir zot sa manier-la, koumsa kan mo vini mo pa pou sibir tristes par dimounn ki ti bizin donn mwa lazwa. Mo ena lasirans ki si mo dan lazwa, zot tou pou dan lazwa.

2 Ko 2:6

Pinision ki mazorite parmi zot finn donn sa dimounn-la, li ase.

2 Ko 5:16

Alor depi aster nou nepli konsider okenn dimounn dapre manier imin. Mem si avan nou ti konsider Lekris dan enn manier imin, nou pa get li koumsa aster-la.

2 Ko 7:16

Mo dan lazwa parski mo kapav kont lor zot dan tou kiksoz.

2 Ko 8:22

Alor nou pe avoy nou frer ar lezot delege. Souvan nou finn gagn lokazion teste li, e li finn touletan montre li ranpli ar zel, sirtou aster-la parski li ena enn gran konfians dan zot.

Ga 1:7

Sa pa vedir ki ena enn lot Bonn Nouvel, me plito ena sertin dimounn ki pe trouble zot ek anvi sanz Bonn Nouvel Zezi Kris.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

Ga 2:6

Me pou seki konsern dimounn ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimounn-la pa finn inpoz nanye nouvo ar Bonn Nouvel ki mo anonse.

Ga 3:1

Ayo, bann Galat, ala zot bet! Kisann-la finn zet enn sor lor zot? Pourtan, devan zot lizie, zot finn gagn enn prezantasion kler kouma Zezi Kris finn krisifie lor lakrwa.

Ga 4:11

Zot fer mwa sagrin ki mo finn perdi mo letan travay ar zot.

Ga 4:17

Sa bann dimounn-la pe donn zot boukou latansion me zot lintansion pa bon. Zot anvi separ mwa avek zot, pou lerla tou latansion vinn pou zot.

Ga 4:20

Komie dan mo leker mo ti pou anvi avek zot la, pou adres zot enn lot fason parski mo vremem pa kone ki pou fer pou zot.

Ga 5:12

Mo swete ki sa bann dimounn ki pe fatig zot-la, zot al pli lwin ankor dan zot pratik sirkonsizion ziska koup li net.

Ga 5:7

Zot ti pe bien galoup zot lekours. Alor ki finn kas zot lelan pou anpes zot obeir laverite?

Ga 6:17

Finalman, ki personn pa fatig mwa parski mo sarye mark Zezi lor mo lekor.

Let pou Filipien 3:15

Nou, bann adilt dan lafwa, nou bizin ena mem preokipasion. Me si zot ena enn lot lopinion lor ninport ki size, Bondie pou ekler zot.

2 Tes 3:4

Nou fer zot konfians dan Lesegner; nou kone ki zot pe fer seki bien e ki zot pou kontigne fer bann kitsoz ki nou dir zot fer.

1 Tim 1:20

Parmi ena Imene ek Alexand; mo finn livre zot dan lame Satan, zot va konpran ki fode pa blasfeme.

Let pou Filemon 1:21

Mo sir ki letan mo pe ekrir twa to pou fer seki mo pou demann twa, e to pou fer plis ankor.