Ga 4:14 - Nouvo Testaman Kreol Morisien Harmonisation NTPS KM

¹⁴ Mem si mo kondision lasante ti enn eprev pou zot, zot pa finn inior mwa; okontrer zot finn resevwar mwa kouma enn anz Bondie, kouma Zezi Kris limem.

Nouvo Testaman dan Kreol Morisien

¹⁴ Mem si mo kondision lasante ti enn eprev pou zot, zot pa finn ignor mwa; okontrer zot finn resevwar mwa kouma enn anz Bondie, kouma Zezi Kris limem.

Ga 4:14 ပူးပေါင်းရင်းမြစ်များ

Psom 119:141

Mem si mo pa inportan e lezot mepriz mwa zame mo tourn ledo ar to lansegnman.

Mt 10:40

“Dimounn ki akeyir zot, akeyir mwa, dimounn ki akeyir mwa, pe akeyir Sa-Enn ki finn avoy mwa la.

Mt 18:5

Dimounn ki akeyir enn zanfan lor mo nom, li pe akeyir mwa osi.

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti-la ki dan mo fami, ar momem ki zot ti fer sa.’

Lk 10:16

Seki ekout zot, ekout mwa; seki rezet zot, rezet mwa, e seki rezet mwa, rezet Sa-Enn ki finn avoy mwa la.”

Zn 13:20

Vremem, laverite mo dir zot, seki resevwar dimounn mo avoye, pe resevwar mwa e seki resevwar mwa, pe resevwar Sa-Enn ki finn avoy mwa la.”

1 Ko 1:28

Bondie finn swazir seki pli piti, seki meprize, seki mem pa existe, pou fer seki existe vinn nanye ditou,

1 Ko 4:10

Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

2 Ko 5:20

Alor dan nom Lekris, nou vinn bann anbasader, koumadir Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

Ga 3:26

Zot tou bann zanfan Bondie par lafwa dan Zezi Kris.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Ga 4:13

Zot kone, akoz enn maladi ki mo finn anons zot Bonn Nouvel pou premie fwa.

Ga 4:15

Kot sa lazwa-la finn pase? Mo temwin ki si zot ti kapav aras zot lizie pou donn mwa, zot ti pou fer li.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

1 Tes 4:8

Akoz samem, dimounn ki rezet sa lansegnman-la, li pa pe rezet enn zom me Bondie ki donn osi so Lespri Sin.

Eb 13:2

Pa refiz pou akeyir bann etranze dan zot lakaz. Dimounn ki finn fer sa, zot finn akeyir bann anz kot zot san ki zot kone.