Ga 1:7 - Nouvo Testaman Kreol Morisien Harmonisation NTPS KM

⁷ Sa pa vedir ki ena enn lot Bonn Nouvel, me plito ena sertin dimounn ki pe trouble zot ek anvi sanz Bonn Nouvel Zezi Kris.

Nouvo Testaman dan Kreol Morisien

⁷ Sa pa vedir ki ena enn lot Bonn Nouvel, me plito ena sertin dimoun ki pe trouble zot ek anvi sanz Bonn Nouvel Zezi Kris.

Ga 1:7 ပူးပေါင်းရင်းမြစ်များ

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Zistwar Bann Zapot 13:10

“Twa ki rize e ranpli ar mesanste, zanfan diab e lennmi lazistis, to pa pou aret detourn sime drwat Lesegner?

Zistwar Bann Zapot 15:24

Nou finn tann dir ki de-trwa dimounn ki sorti kot nou, finn trakas zot ek boulvers zot par seki zot finn dir. Nou pa ti donn bann-la okenn instriksion.

Zistwar Bann Zapot 20:30

Parmi zotmem ena ki pou leve, pou detourn laverite pou ki zot kapav ris bann disip pou swiv zot.

2 Ko 11:13

Sa bann-la pa bann vre zapot; zot bann foser ki finn degize kouma Zapot Lekris.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

Ga 4:17

Sa bann dimounn-la pe donn zot boukou latansion me zot lintansion pa bon. Zot anvi separ mwa avek zot, pou lerla tou latansion vinn pou zot.

Ga 5:10

Mo ena konfians dan Bondie ki zot pa pou pran enn lot direksion. Ninport kisann-la ki pe met dezord parmi zot, li pou gagn so pinision.

Ga 5:12

Mo swete ki sa bann dimounn ki pe fatig zot-la, zot al pli lwin ankor dan zot pratik sirkonsizion ziska koup li net.

Ga 6:17

Finalman, ki personn pa fatig mwa parski mo sarye mark Zezi lor mo lekor.

2 Tim 2:18

Zot finn ekart zot ar la verite ek finn amenn skandal kan zot ti pretann ki dimounn mor finn fini resisite.

1 Zn 2:26

Mo pe ekrir sa lor size bann dimounn pe rod tronp zot.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.

2 Zn 1:10

Si kikenn vinn kot zot e li pa amenn sa lansegnman-la, pa bizin zot akeyir li, ni resevwar li.

2 Zn 1:7

Boukou manter finn vinn dan lemond, bann ki pa aksepte ki Zezi Kris finn vinn imin; sa bann dimounn-la, zot enn bann manter, zot antikris.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv.

Revelasion 19:20

Alor zot finn trap bebet-la anmemtan ki sa fos profet ki ti fer bann mirak dan so prezans la; ki ti sedwir tou bann ki ti ena mark bebet e ti ador so zimaz. Ti zet bebet-la ek fos profet-la dan enn landrwa ranpli ar dife ki brile kouma souf.

Revelasion 2:2

Mo konn tou seki to finn fer, mo konn to lapenn, to pasians ek landirans. Mo kone ki to pa siport bann move dimounn. To finn teste bann ki deklar zot zapot e to finn dekouver ki zot bann manter.

Revelasion 2:20

Me mo ena enn repros pou fer twa. To toler Zezabel ki apel limem enn profet, ki pe ansegne e ki pe detourn mo bann serviter pou pratik imoralite ek manz manze ki finn ofer kouma sakrifis pou bann idol.

Revelasion 2:6

Pourtan to ena kitsoz bon dan twa. Parey kouma mwa, to deteste konportman bann Nikolait.

Revelasion 20:3

Li zet dragon-la dan pwi-san-fon, li ferm li akle, met sele, pou ki li pa sedwir bann pep ankor ziska lafin sa mil an-la. Apre sa, zot pou bizin larg li pou enn tigit letan.