Ga 1:15 - Nouvo Testaman Kreol Morisien Harmonisation NTPS KM

¹⁵ Me Bondie dan so lagras finn swazir mwa avan mem ki mo finn ne e li finn apel mwa pou servi li.

Nouvo Testaman dan Kreol Morisien

¹⁵ Me Bondie dan so lagras finn swazir mwa avan mem ki mo finn ne e li finn apel mwa pou servi li.

Ga 1:15 ပူးပေါင်းရင်းမြစ်များ

Mt 11:26

Wi, Papa samem ti to volonte.

Lk 10:21

Lerla mem, Zezi, ranpli dan lazwa Lespri Sin dir, “Papa, Segner lesiel ek later, mo remersie twa parski to finn fer bann tipti konn kiksoz ki to finn kasiet bann saz ek bann intelizan. Wi, papa, samem to volonte.

Zistwar Bann Zapot 13:2

Letan zot ti pe ador Lesegner e zot ti pe gard karem, Lespri Sin dir zot, “Met Barnabas ek Sol enn kote pou enn mision ki mo ena pou zot.”

Zistwar Bann Zapot 9:15

Lesegner dir li, “Ale, parski limem sa instriman ki mo finn swazir pou amenn Bonn Nouvel kot bann payin e zot lerwa, e osi kot lepep Izrael.

Let pou Romin 1:1

Mwa Pol, mo enn serviter Zezi Kris, enn zapot ki Bondie finn swazire ek apele pou pres so Bonn Nouvel,

Let pou Romin 1:5

Par li Bondie finn fer mwa lagras pou vinn enn zapot pou al apel dimounn parmi tou bann nasion pou krwar e pou obeir, e sa glorifie so nom.

Let pou Romin 8:28

Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

Let pou Romin 8:30

Sa bann ki Bondie ti swazire davans la, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

Let pou Romin 9:24

Nou lepep ki li finn apele, pa selman parmi Zwif, me osi parmi non-Zwif,

1 Ko 1:1

Mwa Pol, ki Bondie finn swazire, par so volonte, pou vinn enn Zapot, ansam avek nou frer Sostenn,

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

1 Ko 1:24

Me pou bann dimounn ki Bondie finn apele, Lekris limem ki montre sazes Bondie ek pwisans Bondie.

1 Ko 1:9

Bondie ki finn apel zot pou viv enn kominion ar so Garson Zezi Kris, sa Bondie-la li fidel.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

Ga 1:1

Mwa Pol, zapot, pa par volonte bann imin oubien lotorite zom, me par Zezi Kris ek Bondie Papa ki finn resisit li parmi bann mor,

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ef 1:5

Dan lamour li finn predestinn nou pou vinn so bann zanfan adoptif par Zezi Kris, dapre so volonte ek so plezir.

Ef 1:9

Li finn fer nou konn mister so volonte, so plan ki li ti finn deside davans dapre so bon plezir pou realize par Lekris.

Ef 3:11

Tousala ti dapre plan eternel ki li finn realize par Zezi Kris nou Segner.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.