Ef 5:11 - Nouvo Testaman Kreol Morisien Harmonisation NTPS KM

¹¹ Pa al rant dan bann travay initil ki fer dan kasiet; okontrer denons zot.

Nouvo Testaman dan Kreol Morisien

¹¹ Pa al rant dan bann travay initil ki fer dan kasiet; okontrer denons zot.

Ef 5:11 ပူးပေါင်းရင်းမြစ်များ

Psom 141:5

Enn bon dimounn kapav pini mwa, fer mwa repros pou mo prop dibien me mo refiz aksepte faver ar move dimounn parski gramatin-tanto mo fer lapriyer kont zot pese.

Proverb 1:10

Mo zanfan, si move dimounn rod tant twa, pa rant dan zot piez.

Proverb 1:31

Aster-la, zot pou pey konsekans zot betiz, zot pou degout zot lavi ar zot bann move aksion.

Proverb 13:18

Si to refiz aprann, to pou res pov e lezot pou mepriz twa; me si to aksepte koreksion enn profeser, to pou gagn loner.

Proverb 15:12

Bann insolan pa kontan kan kritik zot; zame zot pa pou dimann konsey enn saz.

Proverb 19:25

Koriz enn insolan, bann bet pou aprann vinn pridan; montre enn dimounn intelizan so erer, li pou gagn plis konesans.

Proverb 25:12

Enn bon konsey, li kouma enn zano gran valer pou zorey ki ekoute.

Proverb 28:4

Bann ki rezet lalwa, donn rezon bann malfeter; bann ki respekte lalwa, konbat bann malfeter.

Proverb 29:1

Seki touletan rezinbe kan gagn repros, maler pou tom lor li antret. Okenn remed pa pou sap so lavi.

Mt 18:15

Si to frer krwayan ofans twa, al get li e montre li so fot kan zis zot de tousel. Si li ekoute, to pou finn regagn li kouma to frer.

Lk 3:19

Me Zan ti repros Erod, gran sef Galile, parski li ti pran Erodiad, fam so frer, e parski li finn fer boukou move kiksoz ankor;

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Let pou Romin 13:12

Lanwit pe preske fini, lizour pe aprose. Anou aret pratik bann aksion ki fer dan lobskirite e anou pran bann zarm ki servi dan lalimier.

Let pou Romin 16:17

Mo sipliye zot, bann frer, bann ser, res lor zot gard kont bann dimounn ki diviz lezot pou fer bann klik, e egar zot par bann lansegnman ki kontrer ar seki zot ti aprann. Evit sa bann-la.

Let pou Romin 6:21

Ki profi zot ti gagne dan enn lavi ki ti pe kondir zot ver lamor e ki zordi fer zot gagn onte? Sa bann louvraz-la amenn lamor!

Ga 6:8

Si li sem dapre so natir imin, li pou rekolte koripsion; si li sem dapre Lespri, li pou rekolte lavi eternel.

Ef 4:22

Alor zot bizin abandonn zot ansien natir, manier zot ti pe viv avan e ki pouri par bann fos dezir.

Ef 5:12

Li fer dimounn onte pou mem mansionn seki sertin fer dan kasiet.

Ef 5:7

Pa asosie zot ar sa kalite dimounn-la.

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

1 Tes 5:7

Bann ki dormi, zot dormi aswar, bann ki soular, zot bwar aswar,

2 Tes 3:14

Si kikenn pa obeir mesaz ki dan sa let-la; rey so nom e pa gagn okenn kontak ar li; sa pou fer li gagn onte.

2 Tes 3:6

Mo bann frer ek ser, lor nom nou Segner Zezi Kris, nou dimann zot pou gard zot distans avek bann krwayan ki pe viv dan dezord e pa pe swiv bann tradision ki nou finn donn zot.

1 Tim 5:20

Si kikenn fer pese, repran li an piblik koumsa lezot pou fer atansion.

1 Tim 5:22

Pa inpoz lame vit-vit lor personn, sinon to pou konplis pese lezot. Pran to distans, gard twa prop.

1 Tim 6:5

e bann koze zame fini ant dimounn ti-lespri ek dan lerer. Zot panse ki ar larelizion kapav fer profi larzan.

2 Tim 3:5

Me zot pou fer sanblan zot relizie alor ki zot bann ipokrit. Pa frekant zot.

2 Tim 4:2

proklam laparol, insiste touletan pou konvink. Fer repros ou donn lankourazman ki bizin kan to donn lansegnman. Pa perdi pasians.

Let pou Tit 2:15

Ala seki to pou dir kan to pou prese. Dir sa san ezite avek otorite. Pa les personn mepriz twa.

Revelasion 18:4

Lerla mo tann enn lot lavwa sorti dan lesiel ki dir, “Kit sa lavil-la, mo pep, pou ki zot pa partisip dan so pese, e zot pa pou partaz bann fleo ki li pou sibir.