Ef 4:32 - Nouvo Testaman Kreol Morisien Harmonisation NTPS KM

³² Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

Nouvo Testaman dan Kreol Morisien

³² Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

Ef 4:32 ပူးပေါင်းရင်းမြစ်များ

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Psom 145:9

LESEGNER ena labonte pou tou dimounn, li ena konpasion pou tou kreatir ki li finn kree.

Proverb 12:10

Bon dimounn okip bien zot zanimo; me move dimounn maltret seki pou zot.

Proverb 19:11

Dimounn rezonab kontrol so koler; kan li pardonn lezot, li gagn plis loner.

Proverb 19:22

Nou apresie dimounn bon ek sinser; mil fwa to pov ki to manter.

Mt 6:12

Pardonn nou nou bann pese, parey kouma nou pardonn bann ki finn ofans nou.

Mk 11:25

Kan zot vinn devan Bondie pou priye, si zot ena kiksoz kont enn dimounn, al pardonn li, pou ki zot papa dan lesiel pardonn osi zot bann fot.”

Lk 1:78

Par so tandres ek so mizerikord, nou Bondie pou avoy enn lalimier lor nou depi lao parey kouma soley pe leve.

Lk 11:4

Pardonn nou nou pese, parey kouma nou pardonn bann seki ofans nou. Pa les nou tom dan tantasion.”

Lk 17:4

Si set fwa dan enn zourne, li finn fer pese kont twa e set fwa li revinn get twa, e li dir twa, ‘Mo rekonet mo tor’, to bizin pardonn li.”

Lk 6:35

Me zot, kontan zot lennmi, fer dibien, e prete san atann nanye an-retour. Zot rekonpans pou gran, e zot pou zanfan Bondie Treo parski li bon ar bann ingra ek bann move.

Lk 6:37

“Pa port zizman e personn pa pou ziz zot; pa kondane e personn pa pou kondann zot. Pardone, zot pou gagn pardon.

Zistwar Bann Zapot 28:2

Bann abitan laba ti tret nou avek boukou bonte. Akoz lapli ti pe tonbe ek ti fre-fre, zot ti alim enn dife ek zot ti akeyir nou otour li.

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

1 Ko 13:4

Lamour bien pasian, lamour li bon. Li pa zalou, li pa arogan, li pa fer fier.

2 Ko 2:10

Ninport kisann-la ki zot pardone, mwa osi mo pardonn li. Kan mo pardone, si ena kiksoz mem pou pardone, mo fer li pou zot devan Lekris.

2 Ko 2:7

Aster-la, zot bizin pardonn li ek ankouraz li, pou ki li pa tom dan enn tristes ki fer li abandonn tou.

2 Ko 6:6

Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

Ef 5:1

Zot, bann zanfan ki Bondie kontan, zot bizin imit li.

Let Zak 5:11

Nou deklar bann-la bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

2 Pi 1:7

avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

1 Zn 1:9

Si nou konfes nou pese, Bondie ki fidel ek zis, pou pardonn nou pese ek lav tou seki mal dan nou.

1 Zn 2:12

Mo bann zanfan, mo pe ekrir zot parski zot pese finn pardone akoz nom Zezi Kris.