Ef 4:30 - Nouvo Testaman Kreol Morisien Harmonisation NTPS KM

³⁰ Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem proprieter; sa enn garanti ziska sa Zour kot Bondie pou delivre zot.

Nouvo Testaman dan Kreol Morisien

³⁰ Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem propriyeter; sa enn garanti ziska sa Zour kot Bondie pou delivre zot.

Ef 4:30 ပူးပေါင်းရင်းမြစ်များ

Psom 78:40

Komie fwa dan dezer zot ti met so lotorite odefi; komie fwa zot ti ranpli so leker ar sagrin.

Psom 95:10

Pandan karant an mo ti degoute ar zot. Mo ti dir, "Get kouma zot ena lespri egare; Zot refiz obeir mo instriksion.”

Mk 3:5

Li get zot ar lakoler, anmemtan, li sagrin ki zot leker dir. Li dir boug-la, “Dres to lame.” Monion-la dres so lame; so lame revinn normal.

Lk 21:28

Kan tousala pou arive, drese, lev latet parski zot delivrans pe aprose.”

Zn 3:33

Dimounn ki aksepte so temwaniaz sertifie ki Bondie mem laverite.

Zistwar Bann Zapot 7:51

Zot, bann dimounn ki ena latet dir, zot leker ek zot zorey pa ekout Bondie, zot touzour reziste Lespri Sin. Zot fer parey kouma zot bann anset.

Let pou Romin 8:11

Si Lespri Bondie, ki ti resisit Zezi, pe viv dan zot, Sa-Enn ki ti resisit Zezi la pou donn lavi zot lekor mortel par so Lespri ki viv dan zot.

Let pou Romin 8:23

Me pa zis kreasion ki pe soupire. Nou osi; nou ki ena premie fri Lespri, nou soupire dan fon noumem pandan ki nou pe atann ki Bondie adopte nou, e akord nou delivrans total.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

1 Ko 15:54

Kan seki kapav pouri pou anvlope ar seki pa pouri zame, e letan seki kapav mor pou anvlope ar seki pa mor zame, lerla Lekritir pou realize kot finn dir: “Lamor finn anglouti dan laviktwar.”

1 Tes 5:19

Pa met baryer dan travay Lespri Sin.

Eb 10:29

Ki pou ariv sa dimounn ki mepriz Garson Bondie, ki tret bonavini disan lalians Bondie ki finn pirifie li e ki insilte Lespri lagras? Zot kapav devine ki kantite sever so pinision pou ete!

Eb 3:10

Akoz samem mo ti ankoler avek sa zenerasion-la, e mo ti dir, ‘Zot leker finn touzour egare; zot pa finn konn mo sime.’

Eb 3:17

Kont kisann-la Bondie ti ankoler pandan sa karant-an-la? Pa kont bann ki ti fer pese e ki zot kadav ti tom dan dezer?