Ef 4:13 - Nouvo Testaman Kreol Morisien Harmonisation NTPS KM

¹³ Koumsa nou ariv ansam dan linite nou lafwa, dan nou konesans Garson Bondie; nou devlope pou vinn bann krwayan adilt ziska nivo grander Lekris.

Nouvo Testaman dan Kreol Morisien

¹³ Koumsa nou ariv ansam dan linite nou lafwa, dan nou konesans Garson Bondie; nou devlope pou vinn bann krwayan adilt ziska nivo grander Lekris.

Ef 4:13 ပူးပေါင်းရင်းမြစ်များ

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Zn 1:16

Nou tou finn resevwar benediksion enn lor lot ki sorti depi so grander infini.

Zn 16:3

parski zot pa finn konn ni mo Papa, ni mwa.

Zn 17:21

Mo priye pou ki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemond pou krwar ki to finn avoy mwa.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 6:69

Nou finn krwar e nou finn kone ki to tousel Sin, ki to sorti kot Bondie.”

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam an kominote.

1 Ko 1:10

Dan nom nou Segner Zezi Kris, mo fer enn lapel pou ki zot tou res dakor ant zot, pou ki pena okenn divizion parmi zot e ki zot bien ini dan enn sel panse ek enn sel konviksion.

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

1 Ko 2:6

Mo bizin dir kanmem, ki nou servi lasazes pou koz ar dimounn ki finn bien grandi dan zot lafwa. Li pa enn sazes ki sorti dan lemond, ni sazes bann ki pe regne lor sa lemond-la, zot enn bann pwisans ki pe al tengn.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Ga 4:19

Mo bann zanfan, mo pe soufer ankor pou zot kouma enn fam ansint ki pre pou donn nesans enn baba, ziska ki Kris pran form dan zot.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pou ki zot konn li plis ankor.

Ef 1:23

ki so lekor; dan Legliz ki Lekris prezan antierman, e limem, li ranpli tou antierman.

Ef 2:15

Li finn aboli lalwa, ek so komannman ek so bann regleman. Li ti oule apartir Zwif ek non-Zwif kree enn nouvo pep dan linion avek li, ek etablir lape.

Ef 4:12

pou ki bann krwayan ena kapasite akonplir zot minister, pou grandi lekor Lekris.

Ef 4:3

Fer zefor pou gard linite Lespri par lape ki tini zot ansam.

Ef 4:5

Ena enn sel Segner, enn sel lafwa, enn sel batem;

Let pou Filipien 3:10

Mo ena enn dezir pou konn Kris ek pwisans so rezireksion, partisip dan so soufrans, e vinn parey kouma li dan so lamor,

Let pou Filipien 3:8

Ler mo konpar grander dibien ki mo gagne dan konesans Zezi Kris, mo konsider tou kiksoz kouma enn lapert. Akoz li mo finn perdi boukou kiksoz ki mo konsider kouma enn bann salte pou mo kapav gagn Kris,

Let pou Kolosien 1:28

Limem ki nou pe anonse; nou pe inform sakenn, nou pe instrir sakenn ek tou lasazes, pou fer li grandi spiritielman dan so relasion avek Lekris.

Let pou Kolosien 2:2

Mo anvi zot leker pran kouraz e reini dan lamour, pou ki zot gagn rises, konpreansion ek enn konesans total mister Bondie: sa mister-la se Lekris limem;

Eb 5:14

Par kont manze solid li pou bann adilt ki konn disern seki bien ek seki mal.

2 Pi 1:4

Koumsa mem ki li donn nou sa bann don presie ki li finn promet, pou ki atraver sa, zot pou evit tom dan piez move dezir e zot pou kapav partisip dan so natir divinn.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.