Ef 2:2 - Nouvo Testaman Kreol Morisien Harmonisation NTPS KM

² Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Nouvo Testaman dan Kreol Morisien

² Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

Ef 2:2 ပူးပေါင်းရင်းမြစ်များ

Psom 17:14

Protez mwa kont sa kalite dimounn la, ki rasazie ar ramas dibien olie fer lebien; fer ki zot zanfan ek ti zanfan ranpli zot vant ziska zot rasazie.

Mt 11:19

Garson Limanite finn vini, li manze, li bwar e zot dir, ‘Li enn gourman, li soular, li frekant bann ramaser tax ek bann move dimounn.’ Pourtan li finn demontre lasazes Bondie par so bann bon aksion.”

Mt 13:22

Seki finn seme dan pikan, li resanble sa dimounn ki tann laparol, me bann problem lavi toulezour, lamour dibien materyel touf tou e li pa raport okenn fri.

Mt 13:38

Karo-la samem lemond; e bann bon lagrin-la zotmem bann zanfan Rwayom Bondie; move lerb reprezant bann zanfan lennmi Bondie,

Mk 4:19

Me bann traka lavi, lanvi gagn touzour plis, tou sort kalite tantasion, tousala touf la parol. Li pa raport okenn fri.

Lk 16:8

Patron-la felisit sef kontab malonet la parski li ti debrouyar. Bann zanfan lemond pli debrouyar ki zanfan lalimier kan ena pou dres papie pou tras zot lavi.

Lk 22:31

Simon, Simon, gete, Satan finn demande pou pas zot tou dan tami parey kouma fer ar dible.

Zn 12:31

Aster-la mo pou ziz lemond e so gran sef pou deor.

Zn 13:2

Letan zot ti pe pran zot repa, diab finn fini akapar lespri Zida, garson Simon Iskaryot, pou li vann Zezi.

Zn 13:27

Kouma Zida pran dipin-la, Satan rant dan li. Lerla Zezi dir li, “Degaze al fer seki to ena pou fer enn fwa.”

Zn 14:30

Mo nepli pou dir zot tousala; sef demon ki diriz lemond pe vini e li pa kapav fer mwa nanye.

Zn 15:19

Si zot ti viv pou lemond, lerla lemond ti pou konsider zot kouma so prop zanfan; me zot pa pou lemond; mwa, mo finn swazir zot, mo finn tir zot dan lemond. Akoz samem lemond ayir zot.

Zn 16:11

Ki ete zizman? Sef lemond finn fini zize.

Zn 7:7

Lemond pa kapav deteste zot, me mwa, li deteste mwa parski mo pe kontigne fer li kone ki so bann travay pa bon.

Zn 8:23

Li dir zot, “Zot finn pran zot lorizinn lor later, mwa mo lorizinn lao; zot lonbri atase ar sa lemond-la, mwa mo pa atase.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Zistwar Bann Zapot 19:35

Sekreter lavil fer lepep res trankil, li dir, “Abitan Efez, tou dimounn kone ki site Efez limem gardien Tanp Artemis e ki so stati finn tom depi lesiel.

Zistwar Bann Zapot 5:3

Pier dimann li, “Ananias, kifer to les Satan ranpli to leker? To finn koz manti ar Lespri Sin e to finn gard enn parti larzan pou twa.

Let pou Romin 12:2

Pa rant dan moul sa lemond-la, me les Bondie transform zot par enn intelizans nouvo, pou ki zot kapav diserne ki volonte Bondie, setadir seki bon, seki agreab, seki parfe.

1 Ko 5:10

Mo pa ekrir sa lor bann dimounn dan lemond ki imoral, gourman, voler ou adorater idol. Dan sa ka-la zot ti pou bizin kit lemond sorti ale.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Ga 1:4

Zezi Kris, finn donn limem pou nou pese e li finn delivre nou dan sa lemond move la dapre volonte Bondie nou Papa.

Ef 1:21

Lekris bien lao lor tou lotorite, pouvwar, pwisans ek rwayote. Tit ki li ena pli gran tit ki kapav nome, pa selman dan lemond aster me ankor dan lemond ki pe vini.

Ef 2:11

Rapel seki zot ti ete lontan. Zot non-Zwif par nesans. Bann ki ti konsider zotmem bann “sirkonsi”, par enn loperasion lor zot lekor, ti apel zot bann non-Zwif, bann ki “pa sirkonsi.”

Ef 2:13

Me aster dan linion avek Zezi Kris, zot ki lontan ti lwin, finn koste zot pre par disan Lekris.

Ef 2:3

Nou osi, nou tou ti parmi sa bann-la, nou ti pe viv dapre bann dezir natir pese, nou ti pe fer volonte nou natir e swiv so bann inpilsion. Nou ti merit gagn koler Bondie kouma lezot.

Ef 4:17

Dan nom Lesegner, mo averti zot: zot bizin aret viv kouma bann non-krwayan viv; bann-la zot panse pena okenn valer,

Ef 4:22

Alor zot bizin abandonn zot ansien natir, manier zot ti pe viv avan e ki pouri par bann fos dezir.

Ef 5:6

Napa les personn anbet zot ar bann parol vid, parski sa bann kiksoz lamem ki amenn lakoler Bondie lor bann dimounn ki dezobeir.

Ef 5:8

Avan zot ti teneb, aster-la dan Lesegner zot lalimier; mars kouma bann zanfan lalimier.

Ef 6:12

Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemond teneb la, kont pwisans spiritiel lemal lao dan lesiel.

Let pou Kolosien 1:21

E zot, lontan, zot ti etranze e lennmi Bondie, letan zot ti pe komet bann move aksion,

2 Tim 4:10

Demas finn prefer lemond prezan, li finn abandonn mwa; li finn rant dan Tesalonik. Kresenns finn al Galasi, Tit finn al Dalmasi.

Let Zak 1:27

Ala seki Bondie Papa konsider kouma vre relizion ki pena okenn tas: pran swin bann orfelin ek vev dan zot soufrans e pa les zot kontamine par lemond.

Let Zak 1:7

enn dimounn ki parey koumsa pa kapav atann pou gagn kiksoz avek Bondie,

Let Zak 4:4

Bann infidel! Eski zot pa kone ki lamitie pou lemond vedir zot lennmi Bondie? Dimounn ki swazir kontan lemond li fer limem vinn lennmi Bondie.

1 Pi 1:14

Parey kouma bann zanfan, zot bizin obeir Bondie e pa sviw zot bann move dezir ki zot ti ena lontan kan zot ti dan liniorans.

1 Pi 4:3

Zot finn deza pas enn kantite letan fer seki bann payin kontan fer: parey kouma viv dan debos, kraze par move dezir, soular ek ador bann idol.

2 Pi 2:14

Zot lizie zis bon pou komet adilter e zot pa fatige fer pese. Zot antrenn dimounn feb dan piez. Zot leker finn bien antrene pou kontan kas. Malediksion lor zot.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

1 Zn 3:8

Seki fer pese, li sorti kot diab. Depi koumansman diab dan pese, me Garson Bondie finn vini pou detrir travay diab.

1 Zn 4:4

Mo bann zanfan, zot sorti kot Bondie, e zot finn vink bann fos profet; parski Sa-Enn ki dan zot, li pli for ki lespri ki dan lemond.

1 Zn 5:19

Nou kone ki nou zanfan Bondie, e lemond antie li dan pouvwar Lemal.

1 Zn 5:4

parski tou zanfan Bondie ena laviktwar lor lemond. Nou lafwa donn nou mwayin pou gagn laviktwar lor lemond.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.

Revelasion 16:17

Setiem anz vid so koup dan lezer e enn lavwa for sorti kot tronn ki dan Tanp. Li dir, “Tou finn fini!”

Revelasion 20:2

Li trap dragon, samem sa vie serpan-la, limem diab ek Satan, e li atas li ar lasenn pou mil an.