Eb 9:26 - Nouvo Testaman Kreol Morisien Harmonisation NTPS KM

²⁶ sinon li ti pou bizin soufer ankor ek ankor depi fondasion lemond. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.

Nouvo Testaman dan Kreol Morisien

²⁶ sinon li ti pou bizin soufer ankor ek ankor depi fondasion lemonn. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.

Eb 9:26 ပူးပေါင်းရင်းမြစ်များ

Psom 103:12

Li separ nou ar nou pese parey distans ki ant soley leve ek soley kouse.

Mt 13:39

sa lennmi ki sem move lerb limem Satan, rekolt reprezant lafin-dimond, e bann travayer zotmem bann anz.

Mt 13:40

Parey kouma nou ramas bann move lerb pou brile, koumsa mem li pou ete ler lafin-dimond arive.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Zn 1:29

Landime, Zan trouv Zezi pe vini e li dir, “Get Agno Bondie ki tir pese lemond;

Zn 17:24

Papa, seki to finn konfie mwa, mo anvi ki la kot mo ete zot avek mwa; pou ki zot kontanple laglwar ki to finn donn mwa e zot pou kone ki to kontan mwa depi avan koumansman kreasion.

1 Ko 10:11

Tousa maler-la finn ariv bann-la kouma enn lexanp pou lezot, e sa finn ekrir pou averti nou parski nou pe viv dan letan kot lafin pe vini.

Ga 4:1

Mo anvi dir zot ki osi lontan ki eritie-la enn zanfan, li pa diferan ar enn esklav, mem si li proprieter.

Ef 1:10

Sa plan-la, ki Bondie pou termine dan lafin letan, li enn plan pou reinir tou seki dan lesiel ek lor later anba enn sel sef, Lekris.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kree lemond.

Eb 10:10

Akoz Zezi Kris finn fer volonte Bondie, nou finn vinn sin atraver sakrifis lekor Zezi Kris enn fwa pourtou.

Eb 10:12

Me kan Lekris finn ofer enn fwa pourtou sakrifis ki efas pese, “Li ti asiz dan kote drwat Bondie”

Eb 10:26

Si nou persiste dan pese apre ki nou finn konn laverite, pena okenn sakrifis ankor ki pou kapav efas pese;

Eb 10:4

parski disan toro ek bouk pa pou zame kapav efas pese.

Eb 4:3

Nou ki finn krwar, nou finn resevwar sa repo ki Bondie ti promet la, ler li ti dir; “Dan mo koler mo ti fer serman, zame zot pa pou rant dan mo repo.” Li ti dir sa, mem si so travay ti finn konplete depi kreasion lemond.

Eb 7:27

Li pa kouma lezot gran pret, li pa bizin ofer sakrifis toulezour, dabor pou so prop pese apre pou pese lepep. Sa li finn fini fer enn sel fwa pou tou, kan li finn ofer limem an sakrifis.

Eb 9:12

Li finn rant enn fwa pou tou dan sanktier, non pa avek disan bouk oubien toro, me avek so prop disan. Koumsa mem li finn delivre nou pou touletan.

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

1 Pi 1:20

Bondie finn swazir li davans, avan mem kreasion lemond e li finn revel li dan sa dernie letan-la pou zot prop bien.

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

1 Zn 3:8

Seki fer pese, li sorti kot diab. Depi koumansman diab dan pese, me Garson Bondie finn vini pou detrir travay diab.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.

Revelasion 17:8

Bebet ki to ti trouve la, li ti existe me zordi li nepli la. Li pou remonte depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemond, pou etone kan zot pou trouv bebet-la, parski li ti existe, li nepli existe me li pou revini.