Eb 7:27 - Nouvo Testaman Kreol Morisien Harmonisation NTPS KM

²⁷ Li pa kouma lezot gran pret, li pa bizin ofer sakrifis toulezour, dabor pou so prop pese apre pou pese lepep. Sa li finn fini fer enn sel fwa pou tou, kan li finn ofer limem an sakrifis.

Nouvo Testaman dan Kreol Morisien

²⁷ Li pa kouma lezot gran pret, li pa bizin ofer sakrifis tou lezour, dabor pou so prop pese apre pou pese lepep. Sa li finn fini fer enn sel fwa pou tou, kan li finn ofer limem an sakrifis.

Eb 7:27 ပူးပေါင်းရင်းမြစ်များ

Let pou Romin 6:10

Akoz li finn mor, pese finn perdi tou pouvwar lor li. Pou samem pese li finn mor enn fwa pou tou; aster-la ki li vivan, li viv so lavi pou Bondie.

Ef 2:22

Dan linion avek li, zot osi zot fer parti ansam avek lezot pou vinn enn lakaz kot Bondie abite par so Lespri.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 5:1

Sak gran pret ki finn swazire parmi bann zom, finn mandate pou azir dan faver tou bann imin dan zot relasion avek Bondie, pou ofer bann don ek sakrifis.

Eb 5:3

Akoz sa li oblize ofer sakrifis pou so prop pese e osi pou pese tou lezot dimounn.

Eb 8:4

Aster-la, si Kris ti lor later, li pa ti pou ditou pret, parski ena deza enn bann pret ki ofer don dapre lalwa.

Eb 9:12

Li finn rant enn fwa pou tou dan sanktier, non pa avek disan bouk oubien toro, me avek so prop disan. Koumsa mem li finn delivre nou pou touletan.

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Eb 9:25

Kris pena pou ofer li plizir fwa parey kouma gran pret ki rant dan sanktier lane apre lane avek disan ki pa pou li;

Eb 9:26

sinon li ti pou bizin soufer ankor ek ankor depi fondasion lemond. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

Eb 9:7

Me dan deziem parti, selman gran pret ki ti rant laba enn fwa par an. Li bizin amenn avek li disan ki li ofer pou limem ek pou bann fot ki lepep finn komet involonterman.