Eb 3:6 - Nouvo Testaman Kreol Morisien Harmonisation NTPS KM

⁶ Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Nouvo Testaman dan Kreol Morisien

⁶ Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 3:6 ပူးပေါင်းရင်းမြစ်များ

Psom 2:12

Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimounn ki mars ar li e ki gagn so proteksion.

Mt 10:22

Tou dimounn pou ayir zot akoz mwa, me seki tini ferm ziska dan bout, li pou sove.

Mt 16:18

E mo dir twa Pier, to enn ros, e lor sa ros-la mo pou konstrir mo Legliz, e pwisans lamor pa pou kapav dominn li.

Mt 24:13

Me dimounn ki persevere ziska lafin pou sove.

Let pou Romin 11:22

Konsider bonte ek severite Bondie. Li sever ar bann ki ti tonbe, e li bon anver twa, si to kontign res dan so bonte. Sinon, pou koup twa kouma brans.

Let pou Romin 12:12

Montre lazwa dan lesperans, montre pasians dan detres, priye avek fidelite.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

Let pou Romin 5:2

Akoz nou ena lafwa dan Lekris, li finn fer nou gagn akse ar lagras Bondie, e nou viv dan lexperyans sa lagras-la. Nou met nou fierte dan lesperans ki nou partaz laglwar Bondie.

1 Ko 3:16

Zot tou sirman kone ki zot lekor Tanp Bondie e ki Lespri Bondie li viv dan zot.

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

Ga 6:10

Alor, tan ki nou ena letan, anou travay pou bien tou dimounn spesialman pou bann ki pros avek nou dan lafwa.

Ga 6:9

Anou pa dekouraze fer dibien, parski ler peryod larekolt arive nou pou rekolte si nou pa bes lebra.

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

1 Tes 5:16

Res touzour dan lazwa.

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

1 Tim 3:15

Si zame mo tarde, to kone aster-la ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kree lemond.

Eb 10:19

Mo bann frer ek ser, nou ena enn liberte aster-la pou rant dan sanktier par disan Zezi.

Eb 10:21

Nou ena enn gran pret ki diriz lakaz Bondie.

Eb 10:23

Anou tini ferm lesperans ki nou proklame, parski Bondie gard touzour so promes.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 11:1

Lafwa vedir enn lasirans dan bann kitsoz ki to pe atann e enn konviksion dan kitsoz ki to pa trouve.

Eb 3:14

Ofet nou enn partner avek Lekris, si nou gard sa konfians ki nou ena depi koumansman la, ziska lafin.

Eb 4:11

Anou fer tou zefor pou rant dan sa repo-la pou ki personn ant nou pa tonbe akoz dezobeisans parey kouma nou anset ti fer.

Eb 4:14

Parski nou ena enn gran pret, Zezi Garson Bondie, ki finn travers lesiel ziska dan prezans Bondie, anou tini ferm dan lafwa ki nou konfese.

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Eb 6:11

Me nou anvi ki zot tou montre sa mem lantouzias ziska lafin pou ki zot lesperans kapav realize.

Eb 6:18

Bondie pa koz manti. Alor so promes ek so serman, se de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

Eb 7:19

parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

1 Pi 1:8

Mem si zot pa finn trouv li, zot kontan li; e mem si zot pa trouv li aster-la, zot krwar dan li e zot rezwir dan enn lazwa extraordiner ki pa kapav exprime,

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

1 Pi 4:17

Ler finn arive kot zizman pou koumanse lor pep Bondie; si li koumans avek nou, kouma sa pou ete avek lezot ki dezobeir Bonn Nouvel ki sorti kot Bondie?

Revelasion 2:18

Let ki finn ekrir pou anz dan Legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

Revelasion 2:25

me seki zot ena gard li bien ziska mo vini.

Revelasion 2:26

Dimounn ki gagn laviktwar e ki fer mo volonte ziska lafin, mo pou donn li pouvwar lor tou bann nasion.

Revelasion 3:11

Mo pe vini biento. Tini ferm avek seki to ena pou ki to pa perdi to kouronn.