Eb 11:37 - Nouvo Testaman Kreol Morisien Harmonisation NTPS KM

³⁷ Lezot ti mor kout ros; ena, ti koup zot ar lasi; ena, ti koup zot an-de ar lepe. Lezot bouz isi, bouz laba avek zis lapo mouton ou kabri lor zot kouma linz. Zot pena nanye, zot persekite ek maltrete;

Nouvo Testaman dan Kreol Morisien

³⁷ Lezot ti mor kout ros; ena, ti koup zot ar lasi; ena, ti koup zot an-de ar lepe. Lezot bouz isi, bouz laba avek zis lapo mouton ou kabri lor zot kouma linz. Zot pena nanye, zot persekite ek maltrete;

Eb 11:37 ပူးပေါင်းရင်းမြစ်များ

Mt 21:35

Bann travayer trap bann serviter-la, bat enn ladan, touy enn lot e avoy kout ros lor trwaziem-la.

Mt 3:4

Zan ti met enn linz pwal samo ek enn sang lapo dan so lerin. Li ti manz sotrel ek dimiel sovaz.

Mt 8:20

Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Lk 13:34

Zerizalem, Zerizalem, twa ki touy bann profet e twa ki touy kout ros seki Bondie finn avoy ar twa, komie fwa mo ti anvi rasanble to bann zanfan kouma enn mama poul ramas so ti-pousin anba so lezel, me zot pa finn oule!

Zistwar Bann Zapot 14:19

Bann Zwif ki ti sorti Antios ek Ikoniem ti vinn laba. Zot finn gagn konfians bann dimounn-la. Zot finn flank Pol kout ros, e letan zot finn krwar ki li finn mor, zot finn trenn li deor lavil.

Zistwar Bann Zapot 7:52

Dan tou bann profet, lekel zot gran dimounn napa finn persekite? Zot finn mem touy bann ki ti pe anonse an avans ki Lemesi pou vini. Aster-la zot ki la, ki finn trayir Lemesi ek zot finn asasinn li.

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerla mem ki mo for.

Eb 11:25

Li ti prefer gagn maltrete ansam ar pep Bondie olie ki fer so leker kontan par plezir pese, ki zis pou enn ti moman.

Eb 13:3

Mazinn bann ki dan prizon, fer koumadir zot osi, zot ansam dan prizon e parski zot enn mem lekor, partaz soufrans bann ki pe gagn maltrete.

Revelasion 11:3

E mo pou otoriz mo de temwin abiye dan linz dey, pou profetize pandan mil de-san swasant zour.”