2 Ko 8:9 - Nouvo Testaman Kreol Morisien Harmonisation NTPS KM

⁹ Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Nouvo Testaman dan Kreol Morisien

⁹ Zot konn lagras Zezi Kris, mem si li ti ris, li finn fer li pov pou zot, pouki par so povrete zot kapav vinn ris.

2 Ko 8:9 ပူးပေါင်းရင်းမြစ်များ

Mt 17:27

Me pou nou pa ofans zot, al lamer zet lamson e premie pwason ki morde, get dan so lagel e to pou trouv enn pies larzan; pran li e pey tax pou twa ek pou mwa.”

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Mt 8:20

Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Mk 6:3

Pa limem sarpantie, garson Marie, frer Zak, Zoze, Zid ek Simon? Pa so bann ser mem ki res isi dan landrwa?” Zot ti skandalize par so manier.

Lk 16:11

Si to pa finn fidel ar dibien ki ena lor later, kisann-la pou konfie twa dibien ki dan lesiel?

Lk 2:7

Marie donn nesans enn garson, so premie zanfan e li anvlop li dan lanz e plas li dan enn manzwar, parski pa ti ena plas pou zot dan lasal pou vwayazer.

Lk 8:3

Zann, fam Souza ki ti enn administrater kot Erod, ti ena osi Sizann, e boukou lezot ankor, ki ti servi zot dibien pou ed Zezi ek bann disip.

Lk 9:58

Zezi dir li, “Renar ena lakaz pou reste, zwazo dan lesiel ena so nik, me Garson Limanite pena enn plas pou poz so latet.”

Zn 1:10

Li ti dan lemond e lemond finn kree par li, selman lemond pa ti rekonet li.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

Zn 12:30

Me Zezi reponn, “Sa lavwa-la pa finn koze pou mwa me pou zot.

Zn 16:15

Tou seki mo Papa ena, li pou mwa; akoz samem mo finn dir zot, ki Lespri pou anons zot seki li finn resevwar ar mwa.

Zn 17:19

Mo finn konsakre mwa antierman pou zot; aster-la, zot osi, zot pou konsakre zot dan laverite.

Let pou Romin 11:12

Si fot bann Zwif ti fer lemond vinn ris ar benediksion, si zot defet ti fer bann non-Zwif konn larises, panse aster-la ki kantite larises kapav deverse, si zot partisip totalman dan plan delivrans.

Let pou Romin 15:3

Lekris pa ti fer limem plezir. Okontrer, dapre seki Lekritir dir, “Insilt ki ti pe avoy lor twa, finn tom lor mwa.”

Let pou Romin 5:8

Me ala ki manier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Let pou Romin 8:32

Li pa finn epargn so prop Garson, me finn livre li pou nou; si li pe donn nou so prop garson, eski li pa pou donn nou tou seki bizin par so lagras?

1 Ko 1:4

Mo touletan dir Bondie mersi pou zot akoz sa lagras ki li finn donn zot dan Zezi Kris.

1 Ko 15:47

Premie Adam ti sorti depi lapousier later. Deziem Adam sorti depi lesiel.

2 Ko 6:10

mem dan sagrin nou touletan zwaye; nou pov, me nou anrisi boukou dimounn; li paret ki nou pena nanye, me an-verite nou posed tou kiksoz!

Ef 2:7

Par sa, Bondie anvi montre pou bann siek ki pe vini, rises so lagras, exprime par so bonte pou nou dan Zezi Kris.

Ef 3:19

lamour ki Lekris ena; enn lamour ki sirpas tou konesans, e ki ranpli zot antierman ar Bondie.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Kolosien 1:24

Aster mo trouv mo lazwa dan bann soufrans ki mo soufer pou zot e mo konplet dan mo laser seki manke dan leprev ki Lekris finn aksepte pou so lekor ki apel Legliz;

1 Tim 6:18

Rekomann zot fer lebien. Zot bizin ris ar bon aksion, fer bann don ek partaze.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kree lemond.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Revelasion 2:9

Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 21:7

Dimounn ki gagn laviktwar pou resevwar sa don-la, e mo pou vinn so Bondie e li pou vinn mo zanfan.

Revelasion 3:18

Alor mo konsey twa aste lor ar mwa, lor ki finn rafine dan dife, pou ki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.