2 Ko 6:9 - Nouvo Testaman Kreol Morisien Harmonisation NTPS KM

⁹ tret nou etranze, mem ki bien konn nou; tret nou kouma bann ki pe mor, pourtan nou bien vivan; nou soufer boukou pinision, me nou pa mor;

Nouvo Testaman dan Kreol Morisien

⁹ tret nou etranze, mem ki bien konn nou; tret nou kouma bann ki pe mor, pourtan nou bien vivan; nou soufer boukou pinision, me nou pa mor;

2 Ko 6:9 ပူးပေါင်းရင်းမြစ်များ

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 19:26

Zot pe trouve ek zot pe tande kouma sa boug ki apel Pol la finn konvink ek detourn boukou dimounn, pa selman dan Efez me dan tou Lazi. Li dir ki stati fabrike ar lame, pa Bondie sa.

Zistwar Bann Zapot 25:19

Okontrer, zot ti pe diskit zot larelizion, ek lor kikenn ki apel Zezi ki zot ti dir finn mor, me ki Pol pretann li vivan.

Zistwar Bann Zapot 25:26

Me mo bizin dir ki mo pena nanye pou ekrir lor so ka. Akoz sa mo prezant li devan zot, sirtou twa Agripa, pou ki apre ki zot finn examinn li, mo gagn kiksoz pou ekrir.

Let pou Romin 15:19

par pwisans sign ek mirak, par pwisans Lespri Sin. Mo finn repann Bonn Nouvel Zezi Kris plennman depi Zerizalem ziska provins Iliri.

Let pou Romin 8:36

Parey kouma finn ekrir: “Akoz twa nou dan danze lamor toulezour, tret nou kouma mouton ki pou egorze dan labatwar.”

1 Ko 11:32

Me kan Lesegner ziz nou, li pe disiplinn nou pou ki nou pa kondane ansam ar lemond.

1 Ko 15:31

Sak zour mo riske mo lavi; li vre, sa. Mo fierte pou zot dan Lesegner Zezi Kris ki fer mwa dir sa, mo bann frer ek mo bann ser.

1 Ko 4:9

Mo panse ki Bondie finn met nou, ki so bann Zapot, dan dernie plas. Nou kouma bann ki finn kondane pou mor, enn spektak pou lemond antie, pou bann dimounn, kouma pou bann anz.

2 Ko 11:6

Li posib ki mo pena sa don pou fer gran koze an piblik, me mo ena konesans. Nou finn montre zot sa klerman touletan e dan tou kondision.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Ko 5:11

Parski nou bien kone ki savedir ena reverans pou Lesegner, alor nou sey konvink lezot. Bondie bien konn nou, e mo espere ki dan zot leker zot osi zot konn mwa.