2 Ko 6:6 - Nouvo Testaman Kreol Morisien Harmonisation NTPS KM

⁶ Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

Nouvo Testaman dan Kreol Morisien

⁶ Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

2 Ko 6:6 ပူးပေါင်းရင်းမြစ်များ

Let pou Romin 12:9

Lamour bizin sinser. Deteste seki move, atas zot ar seki bon.

Let pou Romin 15:19

par pwisans sign ek mirak, par pwisans Lespri Sin. Mo finn repann Bonn Nouvel Zezi Kris plennman depi Zerizalem ziska provins Iliri.

1 Ko 12:8

Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

1 Ko 13:4

Lamour bien pasian, lamour li bon. Li pa zalou, li pa arogan, li pa fer fier.

1 Ko 2:16

Parey kouma finn ekrir, “Kisann-la konn panse Lesegner? Kisann-la kapav donn li konsey?” Me nou, nou ena panse Lekris.

1 Ko 2:4

E mo pa ti anons mo mesaz ou fer mo predikasion par bann diskour ki servi lasazes imin, me par enn demonstrasion pwisans Lespri Sin.

2 Ko 1:23

Mo pran Bondie kouma temwin, mo finn refiz retourn Korint pou pa donn zot tro boukou traka.

2 Ko 11:11

Kifer? Parski mo pa kontan zot? Bondie ki kone!

2 Ko 11:4

An-efe, zot kapav toler ninport kisann-la ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri ek Bonn Nouvel ki nou finn anons zot.

2 Ko 11:6

Li posib ki mo pena sa don pou fer gran koze an piblik, me mo ena konesans. Nou finn montre zot sa klerman touletan e dan tou kondision.

2 Ko 12:15

Mwa mo kote, mo dispoze depans tou e depans momem pou zot. Eski zot pou mwins kontan mwa, si mo kontan zot ankor plis?

2 Ko 13:10

Akoz sa mo ekrir tousala kouma mo lwin ar zot, pou ki letan mo vini mo pa bizin pran bann aksion sever par lotorite ki Lesegner finn donn mwa pou edifie, e non pou detrir.

2 Ko 2:10

Ninport kisann-la ki zot pardone, mwa osi mo pardonn li. Kan mo pardone, si ena kiksoz mem pou pardone, mo fer li pou zot devan Lekris.

2 Ko 2:4

Mo finn ekrir zot avek boukou langwas, leker lour, ek boukou larm; pa pou fer zot tris, me pou ki zot kone ki kantite mo kontan zot.

2 Ko 3:3

Li kler ki zot enn let ki sorti kot Lekris, ki transmet par nou. Li pa finn ekrir ar lank, me avek Lespri Bondie vivan; li pa grave lor bann tablet ros, me dan leker bann imin.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

2 Ko 7:2

Fer plas dan zot leker pou nou. Nou pa finn fer ditor personn, nou pa finn koronp personn, nou pa finn explwat personn.

Ga 3:2

Enn sel zafer mo dimann zot: Eski zot finn resevwar Lespri parski zot pratik lalwa, oubien parski zot finn ekout mesaz lafwa?

Ga 3:5

Bondie, kan li donn zot so Lespri e fer bann mirak parmi zot, eski li fer sa akoz zot pratik lalwa oubien parski zot finn met zot lafwa dan seki zot finn tande?

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Ef 3:4

Letan zot lir sa, zot kapav konpran konesans ki mo ena lor mister ki konsern Lekris.

Ef 4:2

ar limilite, douser ek pasians. Ki zot soutenir zot kamarad avek amour.

Ef 4:32

Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

Let pou Kolosien 2:3

tou bann trezor lasazes ek konesans, zot kasiet an li.

Let pou Kolosien 3:12

Zot, zot bann ki Bondie finn swazir, finn sanktifie, finn kontan, alor met dan zot leker bann santiman konpasion, bienveyans, imilite, douser, pasians.

1 Tes 2:10

Ansam avek Bondie, zot temwin, ki manier nou finn ena enn kondwit sin ek san repros vizavi zot, bann krwayan.

1 Tim 4:12

Mo pa oule ki personn souzestim twa akoz to enn zenes. Okontrer, vinn enn lexanp pou zot par to parol, to lamour, to lafwa, to manier viv.

1 Tim 5:2

Tret bann vie madam kouma to mama, bann zennfi kouma to ser, avek respe.

2 Tim 3:10

Twa Timote, to konn mo lansegnman ek manier ki mo viv. To konn mo proze, mo lafwa, mo pasians, mo lamour, mo landirans

2 Tim 4:2

proklam laparol, insiste touletan pou konvink. Fer repros ou donn lankourazman ki bizin kan to donn lansegnman. Pa perdi pasians.

Let pou Tit 2:7

To pou enn lexanp pou zot dan manier ki to viv. Met serye ek sinserite dan to lansegnman.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz-la.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Zn 3:18

Mo bann zanfan, fode pa nou kontan zis avek zoli parol ek bel-bel diskour, me montre vre lamour par nou bann aksion.