2 Ko 6:10 - Nouvo Testaman Kreol Morisien Harmonisation NTPS KM

¹⁰ mem dan sagrin nou touletan zwaye; nou pov, me nou anrisi boukou dimounn; li paret ki nou pena nanye, me an-verite nou posed tou kiksoz!

Nouvo Testaman dan Kreol Morisien

¹⁰ mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

2 Ko 6:10 ပူးပေါင်းရင်းမြစ်များ

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Proverb 13:7

Ena ki pena nanye, me zot met dan zar, deklar risar; Ena ki ena fortinn, me zot fer krwar ki zot pov.

Proverb 16:16

Rod lasazes plito ki lor; swazir bon rezonnman plito ki larzan.

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsa mem zot ti persekit bann ansien profet.

Mt 5:4

Bienere zot ki an-dey, zot pou gagn konsolasion.

Lk 6:21

Bienere zot ki gagn fin aster-la, zot pou rasazie. Bienere zot ki pe plore aster-la, zot pou riye.

Zn 16:22

Aster-la zot dan lapenn me kan mo pou retrouv zot ankor, zot leker pou dan lazwa e personn pa pou kapav retir sa lazwa-la ar zot.

Zistwar Bann Zapot 16:25

Ver minwi, Pol ek Silas ti pe priye ek sant kantik e lezot prizonie ti pe ekout zot.

Zistwar Bann Zapot 3:6

Me Pier ti dir, “Mo pena ni larzan ni lor, me seki mo ena mo donn twa, lor nom Zezi Kris ki sorti Nazaret, mo donn twa lord marse.”

Zistwar Bann Zapot 5:41

Bann zapot ti kit lasal konsey leker kontan parski ti konsider zot dign pou gagn maltrete akoz nom Zezi.

Let pou Romin 11:12

Si fot bann Zwif ti fer lemond vinn ris ar benediksion, si zot defet ti fer bann non-Zwif konn larises, panse aster-la ki kantite larises kapav deverse, si zot partisip totalman dan plan delivrans.

Let pou Romin 12:15

Partaz lazwa avek bann ki dan lazwa, partaz lapenn avek bann ki dan lapenn.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

Let pou Romin 8:32

Li pa finn epargn so prop Garson, me finn livre li pou nou; si li pe donn nou so prop garson, eski li pa pou donn nou tou seki bizin par so lagras?

Let pou Romin 9:2

ki mo ena enn gro sagrin dan mo leker ek enn soufrans ki pa fini.

1 Ko 1:5

Dan linion avek Lekris, zot finn vinn ris dan tou kiksoz, zot ena don laparol ek konesans.

2 Ko 2:4

Mo finn ekrir zot avek boukou langwas, leker lour, ek boukou larm; pa pou fer zot tris, me pou ki zot kone ki kantite mo kontan zot.

2 Ko 4:15

Tousala li pou zot benefis. E letan lagras Bondie tous plis dimounn ankor, sa pou ogmant lapriyer rekonesans ki exprim laglwar Bondie.

2 Ko 4:7

Sa trezor spiritiel la nou pe sarye li dan nou, ki kouma bann po later. Koumsa li kler ki sa pwisans extraordiner la li sorti kot Bondie, pa nou ki ena sa.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Ef 3:16

Mo dimann li, dapre rises so laglwar, ki li fortifie zot leker par so Lespri.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Filipien 2:17

Mem si mo disan bizin fane pou sakrifis ek servis zot lafwa, mo zwaye e mo rezwir avek zot tou.

Let pou Filipien 4:4

Rezwir zot touletan dan Lesegner. Mo repete; rezwir zot.

Let pou Kolosien 1:24

Aster mo trouv mo lazwa dan bann soufrans ki mo soufer pou zot e mo konplet dan mo laser seki manke dan leprev ki Lekris finn aksepte pou so lekor ki apel Legliz;

Let pou Kolosien 3:16

Ki Parol Lekris prezan parmi zot dan tou so rises: ansegn zot prosin, fer zot ledikasion ar lasazes; par bann Psom, bann sante e bann kantik inspire par Lespri, sant zot rekonesans pou Bondie

1 Tes 1:6

Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

1 Tes 5:16

Res touzour dan lazwa.

1 Tim 4:8

Li pa sitan itil ki to okip to lekor, me li pli bon ki to met to latet pou swiv Bondie parski li promet twa lavi zordi ek pou leternite.

1 Tim 6:18

Rekomann zot fer lebien. Zot bizin ris ar bon aksion, fer bann don ek partaze.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bann-la kokin tou zot dibien parski zot kone ki zot, zot posed kitsoz ankor pli meyer e ki pou reste pou touletan.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

Revelasion 2:9

Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 21:7

Dimounn ki gagn laviktwar pou resevwar sa don-la, e mo pou vinn so Bondie e li pou vinn mo zanfan.