2 Ko 5:18 - Nouvo Testaman Kreol Morisien Harmonisation NTPS KM

¹⁸ Tousala travay Bondie, ki rekonsilie nou ar limem par Lekris, e li finn donn nou sa minister rekonsiliasion la.

Nouvo Testaman dan Kreol Morisien

¹⁸ Tousala travay Bondie, ki rekonsilie nou ar limem par Lekris, e li finn donn nou sa minister rekonsiliasion la.

2 Ko 5:18 ပူးပေါင်းရင်းမြစ်များ

Lk 10:5

Kan zot rant dan enn lakaz, dir avan, ‘Shalom, lape dan sa lakaz-la!’

Lk 24:47

e bizin proklam Parol Bondie lor so nom, repantans e pardon bann pese devan tou bann nasion depi Zerizalem.

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Zn 3:27

Zan reponn zot, “Personn pa kapav gagn okenn pouvwar si lesiel pa finn donn li.

Zistwar Bann Zapot 10:36

Zot konn mesaz ki li finn avoy lepep Izrael, enn Bonn Nouvel ki ena lape par Zezi Kris ki Lesegner tou dimounn.

Let pou Romin 11:36

Tou sorti kot Bondie, tou existe par li e pou li. Tou laglwar pou Bondie pou touzour! Amen!

Let pou Romin 5:1

Aster-la ki nou finn zistifie par lafwa, nou ena lape avek Bondie atraver nou Segner Zezi Kris.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

1 Ko 11:12

Parey kouma fam finn kree depi zom, zom pran nesans depi fam, ek tou kiksoz sorti kot Bondie.

1 Ko 12:6

Ena enn varyete aktivite, me enn sel Bondie ki donn sak dimounn kapasite pou fer bann aktivite-la.

1 Ko 3:5

Apre tou, ki Apolos ete? Ki Pol ete? Nou zis bann serviter ki Bondie finn servi pou fer zot gagn lafwa. Sakenn finn servi don ki Lesegner finn konfie li.

1 Ko 8:6

me pou nou ena enn sel Bondie, nou Papa, ki finn kree tou kiksoz, e par li ki nou ena lavi. Ena osi enn sel Segner, Zezi Kris; par li tou kiksoz existe e par li nou ena lavi.

Let pou Kolosien 1:22

aster Bondie finn rekonsilie zot par lekor ek laser so Garson, par so lamor, pou fer zot paret devan li, sin, san repros, san fay.

Eb 2:17

Pou sa rezon-la, li bizin vinn parey kouma so bann frer e ser dan tou fason, pou li kapav vinn enn gran pret fidel ek ranpli ar mizerikord dan servis Bondie, e pou ki bann pese dimounn pardone.

Let Zak 1:17

Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa konn leklips ni lonbraz.

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.