2 Ko 2:17 - Nouvo Testaman Kreol Morisien Harmonisation NTPS KM

¹⁷ Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

Nouvo Testaman dan Kreol Morisien

¹⁷ Nou pa kouma boukou lezot ki fer trafik marsandiz ar parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 2:17 ပူးပေါင်းရင်းမြစ်များ

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Zistwar Bann Zapot 20:20

Mo finn proklam laparol; mo finn ansegne an piblik, lakaz apre lakaz; mo pa finn kasiet nanye ki ti pou benefik pou zot.

Zistwar Bann Zapot 20:27

Parski mo pa finn negliz nanye; okontrer mo finn anons zot plan Bondie an-antie.

1 Ko 5:8

Anou selebre nou fet, pa avek vie levin pese ek imoralite, me avek dipin ki san levin, dipin sinserite ek verite.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 1:18

Bondie mo temwin: nou parol li pa ezitasion ant “Wi” ek “Non.”

2 Ko 11:11

Kifer? Parski mo pa kontan zot? Bondie ki kone!

2 Ko 12:19

Tousa letan-la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pou ki zot progrese dan zot lafwa.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Ko 6:7

par parol laverite, e par pwisans Bondie; avek zarm lazistis dan nou lame drwat e dan nou lame gos.

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

1 Tes 2:4

Okontrer, parey kouma Bondie finn konfie nou so Bonn Nouvel, nou pa koze pou fer plezir bann imin me pou fer plezir Bondie ki teste nou leker.

Let pou Tit 1:11

To bizin ferm zot labous. Sa bann dimounn-la amenn boulversman dan bann fami ek zot pran kas.

Eb 11:27

Par lafwa, Moiz ti kit Lezip, san ki li gagn per lakoler lerwa; li ti tini ferm parski li finn trouv Bondie invizib.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

Revelasion 19:20

Alor zot finn trap bebet-la anmemtan ki sa fos profet ki ti fer bann mirak dan so prezans la; ki ti sedwir tou bann ki ti ena mark bebet e ti ador so zimaz. Ti zet bebet-la ek fos profet-la dan enn landrwa ranpli ar dife ki brile kouma souf.

Revelasion 2:20

Me mo ena enn repros pou fer twa. To toler Zezabel ki apel limem enn profet, ki pe ansegne e ki pe detourn mo bann serviter pou pratik imoralite ek manz manze ki finn ofer kouma sakrifis pou bann idol.