2 Ko 13:5 - Nouvo Testaman Kreol Morisien Harmonisation NTPS KM

⁵ Examinn zotmem pou verifie si zot pe viv dan lafwa. Teste zotmem. Eski zot pa realize ki Lekris dan zot? Amwin ki lexame ki zot fer montre ki zot finn fel.

Nouvo Testaman dan Kreol Morisien

⁵ Examinn zotmem pou verifie si zot pe viv dan lafwa. Teste zotmem. Eski zot pa realize ki Lekris dan zot? Amwin ki lexamin ki zot fer montre ki zot finn fel.

2 Ko 13:5 ပူးပေါင်းရင်းမြစ်များ

Psom 119:59

Mo finn examinn mo konportman e mo pe retourn ver to bann exizans.

Psom 17:3

Si to examinn fon mo leker; si pandan lanwit to vey mwa, si to teste mwa, to pa pou trouv okenn blam kont mwa. Mo labous zame dir move kiksoz

Psom 26:2

Examinn mwa, teste mwa, SEGNER, examinn mo lespri ek mo santiman.

Zn 14:23

Zezi reponn, “Si vremem kikenn kontan mwa, li pou met mo parol an pratik, mo Papa pou kontan li, nou pou vinn kot li e nou pou fer nou lakaz kot li.

Zn 15:4

Res ar mwa, kouma mwa mo res ar zot. Parey kouma enn brans pa kapav raport fri si li pa res lor pie rezin-la, zot osi, zot pa pou kapav fer nanye si zot pa res ar mwa.

Zn 17:23

Mwa dan zot, twa dan mwa pou ki zot vinn enn sel. Lerla lemond pou kone ki to finn avoy mwa, ki mo kontan zot kouma to kontan mwa.

Zn 17:26

Mo finn fer zot konn to nom e mo pe fer li ankor pou ki lamour ki to ena pou mwa res dan zot, kouma mwa mo dan zot.”

Zn 6:56

Seki manz mo lekor e bwar mo disan, li res dan mwa e mwa dan li.

Zn 6:6

Li finn dir sa pou teste Filip. Zezi ti kone seki li ti pou fer.

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

Let pou Romin 8:10

Me si Lekris dan zot, mem si li vre ki zot lekor li mor akoz pese, zot lespri li vivan parski finn fer zot vinn drwat devan Bondie.

1 Ko 11:28

Sakenn bizin examinn limem avan ki li manz dipin ek bwar dan koup Lesegner.

1 Ko 11:31

Si nou ti examinn noumem avan, nou pa ti pou tom anba zizman Bondie.

1 Ko 3:16

Zot tou sirman kone ki zot lekor Tanp Bondie e ki Lespri Bondie li viv dan zot.

1 Ko 6:15

Zot pa kone ki zot lekor li form parti lekor Lekris? Eski mo pou pran enn manb lekor Lekris ek mo fer li vinn enn parti lekor enn prostitie? Zame!

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

1 Ko 6:2

Zot pa kone ki pep Bondie ki pou ziz lemond? Si zot ki pou ziz lemond, eski zot pa kapav ziz bann ti problem?

1 Ko 9:24

Zot pa kone ki dan enn lekours boukou kourer galoupe, me pri, enn sel ki gagne?

1 Ko 9:27

Mo trenn mo lekor dir, mo kontrol li kouma mo esklav, pou ki mo pa pres lezot laparol, apre mo trouv momem diskalifie.

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

Ga 2:20

alor, li nepli mwa ki pe viv, me Kris ki pe viv dan mwa. Lavi ki mo pe viv aster-la kouma enn imin, mo viv li par lafwa dan Garson Bondie, ki kontan mwa e finn donn so lavi pou mwa.

Ga 4:19

Mo bann zanfan, mo pe soufer ankor pou zot kouma enn fam ansint ki pre pou donn nesans enn baba, ziska ki Kris pran form dan zot.

Ga 6:4

Sakenn bizin examinn so prop travay, e si li bizin fer vantar, fode pa li fer li an konparezon avek so prosin me par rapor avek limem.

Ef 3:17

Mo priye ki Lekris res dan zot leker par lafwa. Mo priye ki zot bien anrasine ek bien etabli dan lamour,

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

Let pou Kolosien 2:19

Pa les personn detas zot ek Lekris ki latet, ki mintenir ansam lekor antie, ki gard li ini avek bann artikilasion ek bann ligaman, pou li grandi gras-a Bondie.

Let pou Kolosien 2:7

gard zot rasinn plante an li, tini ferm dan lafwa, dan manier ki finn ansegn zot, e les zot rekonesans deborde.

1 Tim 2:15

me so maternite pou sov li. Selman fode ki bann madam persevere dan lafwa, lamour ek amenn enn bon lavi ek gard enn bon zizman.

2 Tim 3:8

Parey kouma Zanes ek Zanbres ki ti kont Moiz, ena ki dibout kont laverite. Zot lespri malad ek zot lafwa pa vo nanye.

Let pou Tit 1:13

Sa temwaniaz-la, li vre. Sa kalite dimounn-la fode pa tolere. Bizin fer zot grandi dan lafwa.

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.

Let pou Tit 2:2

Instrir bann granper: zot bizin sinp, ena dignite, koz ar sazes, profon dan zot lafwa, ena lamour ek perseverans.

Eb 12:15

Zot bizin veye ki personn pa detourn li kont lagras Bondie; ki zot pa vinn kouma bann rasinn amer ranpli ar pwazon ki kapav anpwazonn boukou dimounn.

Eb 4:1

Pandan ki promes pou rant dan repo Bondie touzour valab, anou pran kont pou ki personn parmi zot pa perdi sa lokazion pou rant ladan la.

Eb 6:8

Me si later-la raport pikan ek move lerb, li pa vo nanye, li pe pas pre ar malediksion, e li pou fini dan dife.

Let Zak 4:4

Bann infidel! Eski zot pa kone ki lamitie pou lemond vedir zot lennmi Bondie? Dimounn ki swazir kontan lemond li fer limem vinn lennmi Bondie.

1 Pi 5:9

Res touzour ferm dan lafwa e reziste li, parski zot kone ki zot bann frer ek ser dan lemond antie pe pas par mem kalite soufrans.

Revelasion 2:5

Rapel bien kot to finn sorti pou tom la, sanz to konportman e azir parey kouma to ti abitie fer dan koumansman. Si to pa sanz twa, mo pou vinn tir to sandelie dan so plas.