2 Ko 12:20 - Nouvo Testaman Kreol Morisien Harmonisation NTPS KM

²⁰ Mo per ki letan mo arive, mo pa trouv zot kouma mo swete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

Nouvo Testaman dan Kreol Morisien

²⁰ Mo per ki letan mo arive, mo pa trouv zot kouma mo souete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

2 Ko 12:20 ပူးပေါင်းရင်းမြစ်များ

Psom 41:7

Tann zot pe mirmire dan zorey zot vwazin! Zot pe priye ki mo fini mal.

Proverb 16:28

Bann dimounn perver fann rimer pou lev lager; palabrer met dibri ant bon kamarad.

Let pou Romin 1:29

Zot ranpli ar tou kalite linzistis, mesanste; zot gourman kiksoz lezot, zot ranpli ar lemal, zalouzi, lespri bagarer, fer krim, fer palab,

Let pou Romin 1:30

pans dimal lor lezot, zot lennmi Bondie, zot insolan, arogan, vantar, zot invant tou kalite lide pou fer lemal, dezobeir bann paran;

Let pou Romin 2:8

Me pou ena koler ek zizman pou seki pans zis limem, ki rezet laverite e swiv lemal.

1 Ko 1:11

Bann pros fami Kloe finn inform mwa ki ena rivalite parmi zot.

1 Ko 14:33

parski Bondie pa enn Bondie dezord, me enn Bondie lape. Li enn pratik dan tou Legliz bann pep Bondie

1 Ko 5:2

E lorla zot arogan! Okontrer zot ti bizin dan tristes. Dimounn ki finn azir koumsa, ti bizin finn fini met li deor depi zot group.

2 Ko 1:23

Mo pran Bondie kouma temwin, mo finn refiz retourn Korint pou pa donn zot tro boukou traka.

2 Ko 10:2

Mo sipliye zot, pa les mwa montre mo lodas kan mo vinn kot zot, parski mo pou montre fermte anver bann ki pretann ki nou azir par motivasion imin.

2 Ko 10:6

Enn fwa ki zot prouve ki zot obeisans li konple, nou pou pare pou pini tou dezobeisans.

2 Ko 12:21

Mo per ki pandan sa prosin vizit-la, Bondie imilie mwa dan zot prezans, e ki mo pou plore lor boukou parmi zot ki pe kontigne dan vie pese lontan; zot pankor repanti zot inpirte, imoralite ek debos ki zot ti pratike.

2 Ko 13:2

Mo ena enn avertisman pou donn seki finn fer pese dan lepase, e osi ar tou lezot; mo ti deza dir sa dan mo deziem vizit, me mo pe dir li ankor pandan mo labsans: prosenn fwa ki mo vinn kot zot, mo pa pou les personn sape.

2 Ko 2:1

Alor mo finn deside ki mo pa pou retourn kot zot parski mo pa oule fer zot tris.

Ga 5:15

Me si zot mord e devor zot kamarad, fer atansion, sinon zot pou fini par detrir zot kamarad.

Ga 5:26

Anou pa fer vantar, nou pa dispit avek kamarad, nou pa zalou kamarad.

Let Zak 4:11

Frer ek ser, pa koz dimal lor lezot. Ninport ki koz dimal kont enn lot ou port zizman lor li, li pe koz kont lalwa e pe ziz lalwa Bondie. Si zot ziz lalwa, zot pa enn dimounn ki obeir li me zot enn ziz lor li.

1 Pi 2:1

Alor, rezet tou bann form mesanste ek trik, ipokrizi, zalouzi ek mansonz.

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

Let Zid 1:16

Sa bann dimounn-la, zot touletan plengne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimounn par intere.