2 Ko 12:19 - Nouvo Testaman Kreol Morisien Harmonisation NTPS KM

¹⁹ Tousa letan-la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pou ki zot progrese dan zot lafwa.

Nouvo Testaman dan Kreol Morisien

¹⁹ Tousaletan la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pouki zot progrese dan zot lafwa.

2 Ko 12:19 ပူးပေါင်းရင်းမြစ်များ

Let pou Romin 12:19

Mo bann kamarad, pa rod tir vanzans zotmem, me les Bondie regle sa dan so zizman, kouma Lekritir dir: “Mwa ki pou tir vanzans, mwa ki pou regle kont.”

Let pou Romin 14:19

Anou rod seki amenn lape e permet nou progres ansam dan lafwa.

Let pou Romin 15:2

Sakenn parmi nou bizin fer so prosin plezir pou so prop bien, pou ki li progrese dan lafwa.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

1 Ko 10:14

Akoz sa, mo bann kamarad, zot bizin sove devan lidolatri.

1 Ko 10:33

Koumsa mem mo viv pou fer plezir tou dimounn; olie mo rod mo prop lintere, mo rod lintere tou dimounn pou ki zot kapav sap dan pese.

1 Ko 14:26

Alor la, ki nou kapav dir, bann frer ek bann ser? Kan zot zwenn ansam, ena dimounn ki pou ena enn kantik, enn lot ki pou ena enn parol pou ansegne, enn lot enn revelasion, enn lot enn mesaz an lang ek enn interpretasion sa langaz-la. Tousala bizin fer pou fortifie Legliz.

2 Ko 10:8

Mo pa pou onte, mem si mo bizin vant enn tigit tro sa lotorite ki Lesegner finn donn nou pou edifie zot e non pa pou detrir zot.

2 Ko 11:10

Par laverite Lekris ki dan mwa, mo kapav dir ki personn dan rezion Akai pa pou kapav aras sa fierte ki mo ena pou zot la.

2 Ko 11:31

Bondie ki Papa Lesegner Zezi, ki beni pou leternite, kone ki mo pa pe koz manti.

2 Ko 12:15

Mwa mo kote, mo dispoze depans tou e depans momem pou zot. Eski zot pou mwins kontan mwa, si mo kontan zot ankor plis?

2 Ko 13:10

Akoz sa mo ekrir tousala kouma mo lwin ar zot, pou ki letan mo vini mo pa bizin pran bann aksion sever par lotorite ki Lesegner finn donn mwa pou edifie, e non pou detrir.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 3:1

Eski ankor enn fwa nou pe flat noumem? Oubien eski nou bizin, kouma sertin lezot dimounn, enn let rekomandasion pou donn zot, oubien pran ar zot?

2 Ko 7:1

Mo bann kamarad, tou sa bann promes-la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

Let pou Filipien 4:1

Mo bann frer e ser, mo bien kontan zot, e mo pe atann zot avek inpasians. Zotmem mo lazwa; res fidel dan zot lavi avek Bondie.

1 Tes 5:11

Alor ankouraz zotmem e fortifie zot bien, parey kouma zot deza pe fer.

Eb 6:9

Me zot, mo bann kamarad, nou kone ki mem si nou koz koumsa, zot lor bon sime delivrans.