2 Ko 11:31 - Nouvo Testaman Kreol Morisien Harmonisation NTPS KM

³¹ Bondie ki Papa Lesegner Zezi, ki beni pou leternite, kone ki mo pa pe koz manti.

Nouvo Testaman dan Kreol Morisien

³¹ Bondie ki Papa Lesegner Zezi, ki beni pou leternite, kone ki mo pa pe koz manti.

2 Ko 11:31 ပူးပေါင်းရင်းမြစ်များ

Psom 41:13

Laglwar pou Twa SEGNER, Bondie Izrael, aster, pli divan ek touletan. Amen! Amen!

Zn 10:30

Mo Papa ek mwa nou enn sel.”

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Let pou Romin 1:25

Zot finn ranplas laverite lor Bondie par enn mansonz, e zot finn ador ek servi seki Bondie finn kree olie zot servi Kreater limem, ki beni pou leternite! Amen.

Let pou Romin 1:9

Bondie mo temwin. Mo servi li ar tou mo leker par Bonn Nouvel ki mo anonse ki konsern Zezi Kris. Li kone ki mo pans zot touletan, sak fwa ki mo priye.

Let pou Romin 15:6

pou ki zot tou ansam ek enn sel lavwa zot loue Bondie, Papa nou Segner Zezi Kris.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

Let pou Romin 9:5

zot desandan bann patriars, e Zezi, kouma enn imin, sorti dan zot ras, limem ki lao tou. Nou beni Bondie pou leternite! Amen.

2 Ko 1:23

Mo pran Bondie kouma temwin, mo finn refiz retourn Korint pou pa donn zot tro boukou traka.

2 Ko 1:3

Anou loue Bondie ek Papa Zezi Kris, Papa ki ena mizerikord ek touletan konsol nou.

2 Ko 11:11

Kifer? Parski mo pa kontan zot? Bondie ki kone!

Ga 1:20

Seki mo pe ekrir zot la, Bondie kone ki mo pa pe koz manti.

Ef 1:3

Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

Ef 3:14

Pou sa rezon-la mo azenou devan Bondie Papa,

Let pou Kolosien 1:3

Dan lapriyer ki nou fer pou zot, nou remersie touletan Bondie, Papa nou Segner Zezi Kris,

1 Tes 2:5

Kouma zot kone e Bondie temwin, zame nou pa finn servi bann parol pou flat noumem oubien pou kasiet gourmandiz materyel.

1 Tim 1:11

Mo tir sa lansegnman-la dan grander Bonn Nouvel ki Bondie Beni, finn konfie mwa.

1 Tim 1:17

Tou loner, tou laglwar pou Bondie pou leternite. Li regne pou touzour, li invizib e li tousel Bondie. Amen.

1 Tim 6:16

li tousel imortel, li res dan enn lalimier kot personn pa kapav aprose. Personn pa finn trouv li, ni pe trouv li. Laglwar, pwisans eternel pou li. Amen.

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;