2 Ko 11:3 - Nouvo Testaman Kreol Morisien Harmonisation NTPS KM

³ Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

Nouvo Testaman dan Kreol Morisien

³ Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 11:3 ပူးပေါင်းရင်းမြစ်များ

Psom 119:53

Kan bann ki fer lemal viol to lalwa, lakoler bwi dan mwa.

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Let pou Romin 12:8

si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 11:20

Ofet, zot siport ninport ki, ki tret zot kouma esklav, ki explwat zot, ki depouy zot, ki fer fezer, ki klak zot dan figir.

2 Ko 11:29

Si kikenn feb, mo santi mwa feb osi; si kikenn tonbe, mo santi douler-la.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

Ga 3:1

Ayo, bann Galat, ala zot bet! Kisann-la finn zet enn sor lor zot? Pourtan, devan zot lizie, zot finn gagn enn prezantasion kler kouma Zezi Kris finn krisifie lor lakrwa.

Ga 4:11

Zot fer mwa sagrin ki mo finn perdi mo letan travay ar zot.

Ef 4:14

Lerla nou pa pou kouma bann zanfan, ki balote, ki sakouye dan siklonn tou kalite doktrinn ki bann dimounn rize servi pou antrenn lezot dan lerer.

Ef 4:22

Alor zot bizin abandonn zot ansien natir, manier zot ti pe viv avan e ki pouri par bann fos dezir.

Ef 6:24

Ki lagras Bondie li res ar tou seki ena lamour eternel pou Lesegner Zezi Kris.

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.

Let pou Kolosien 2:4

Mo dir zot sa pou ki personn pa tronp zot avek bel-bel koze.

Let pou Kolosien 2:8

Pran gard ki personn pa piez zot dan bann gran lide, sa bann tronpri ki imin finn invante, anba lanpriz bann lafors ki dan liniver, e ki pena okenn lien avek Lekris.

1 Tes 3:5

Pou sa rezon-la, letan mo ti nepli kapav siporte, mo ti avoy Timote pou pran nouvel lor zot lafwa. Mo ti per ki diab tant zot e tou sa lapenn ki nou finn fourni la, finn tom dan dilo.

1 Tim 1:3

Kan mo ti kit Masedwann, mo ti rekomann twa res dan Efez. Ena dimounn pe propaz enn lot lansegnman. To bizin dir zot arete.

1 Tim 2:14

Pa Adam ki ti rant dan piez Satan, me fam-la ki ti finn tom dan piez ek finn dezobeir Bondie,

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimounn ek zot pou tronp zotmem.

Let pou Tit 1:10

Wi, ena boukou, sirtou parmi bann sirkonsi, ki ena lespri rebel ek tronp lezot par bann bel-bel diskour kot zot koz ninport.

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

2 Pi 3:17

Me zot, mo bann bieneme, zot deza averti. Fer atansion, pa les zot antrene par erer bann move dimounn ki rod destabiliz zot.

2 Pi 3:3

Premie dabor, zot bizin konpran ki dan bann dernie zour, sertin dimounn lespri traver pou mok zot,

1 Zn 2:18

Mo bann zanfan, lafin pe aprose. Zot finn tande ki antikris pe vini, aster-la mem ena boukou lennmi Lekris ki finn fini vini. Koumsa mem nou kone ki lafin li pre.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Revelasion 12:15

Alor serpan-la ti vomi koumadir enn larivier dilo deryer fam-la pou nway li.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

Revelasion 20:2

Li trap dragon, samem sa vie serpan-la, limem diab ek Satan, e li atas li ar lasenn pou mil an.