2 Ko 11:28 - Nouvo Testaman Kreol Morisien Harmonisation NTPS KM

²⁸ Apar tou leres ki mo pa pou mansione, ena osi presion lor mwa toulezour akoz traka Legliz.

Nouvo Testaman dan Kreol Morisien

²⁸ Apar tou leres ki mo pa pou mansione, ena osi presion lor mwa toulezour akoz traka legliz.

2 Ko 11:28 ပူးပေါင်းရင်းမြစ်များ

Zistwar Bann Zapot 15:36

Apre enn bon letan Pol dir Barnabas, “Nou al rann vizit tou bann frer dan tou lavil kot nou finn pres Parol Bondie ek gagn inpe zot nouvel.”

Zistwar Bann Zapot 18:23

Pol ti pas inpe letan Antios, lerla li ti al vizit diferan landrwa dan rezion Galasi ek Frizi, pou konsolid lafwa bann krwayan.

Zistwar Bann Zapot 20:2

Pandan so vwayaz dan sa rezion-la li ankouraz bann fidel, ziska ki li ariv Lagres.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

Let pou Romin 1:14

Li mo devwar pou al kot tou dimounn, bann sivilize ek bann ki pa sivilize, bann edike, bann ki pa edike.

Let pou Romin 11:13

Mo adres mwa ar zot, bann non-Zwif. Antan ki Zapot bann non-Zwif mo rann glwar Bondie pou mo minister

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

Let pou Romin 16:4

Zot ti riske zot lavi pou mwa. Pa mo tousel ki dir zot mersi me tou Legliz dan lemond non-Zwif rekonesan anver zot.

1 Ko 7:17

Apar sa ka-la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan Legliz partou.

Let pou Kolosien 2:1

Mo oule ki zot kone ki kalite lite mo pe lite pou zot, pou bann ki Laodise, e pou tou bann lezot ki zame pa finn trouv mwa personelman.