2 Ko 1:21 - Nouvo Testaman Kreol Morisien Harmonisation NTPS KM

²¹ Bondie limem ki finn fer nou vinn ferm ansam avek zot dan nou lavi avek Lekris. Bondie limem donn nou lonksion,

Nouvo Testaman dan Kreol Morisien

²¹ Bondie limem ki finn fer nou vinn ferm ansam avek zot dan nou lavi avek Lekris. Bondie limem donn nou lonksion,

2 Ko 1:21 ပူးပေါင်းရင်းမြစ်များ

Psom 45:7

ou kontan lazistis; ou deteste seki move. Akoz sa Bondie, ou Bondie, finn swazir ou, e finn aroz lor ou latet delwil benediksion, lonksion ki okenn lezot lerwa pa finn resevwar.

Psom 87:5

Lor Sion li pou dir, “Sa enn la, sa lot la, zot tou finn ne laba” parski Bondie Pli Lao ki konsolid li.

Psom 89:4

"Lor tronn pou ena touletan to desandan; dinasti David pou dire eternelman.”

Zn 3:34

Dimounn ki Bondie finn avoye, koz Parol Bondie, parski Bondie finn donn li Lespri an abondans.

Zistwar Bann Zapot 10:38

Zot kone kouma Bondie ti vers pwisans Lespri Sin lor Zezi ki sorti Nazaret. Li ti al partou, li fer dibien e ti geri tou dimounn ki ti may dan pouvwar diab, parski Bondie ti avek li.

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

Let pou Romin 8:9

Me zot, zot pa kontrole par natir pese, me par Lespri, si Lespri Bondie viv dan zot. Seki pena Lespri Lekris, li pa apartenir ar Lekris.

1 Ko 1:8

Li pou gard zot ferm ziska lafin, koumsa pa pou ena okenn repros kont zot sa zour kan Zezi Kris retourne la.

2 Ko 5:5

Bondie limem finn prepar nou pou sa, e finn donn nou so Lespri kouma enn garanti pou seki li rezerve pou nou.

Let pou Kolosien 2:7

gard zot rasinn plante an li, tini ferm dan lafwa, dan manier ki finn ansegn zot, e les zot rekonesans deborde.

1 Tes 3:13

E ki li fortifie zot leker, e fer li vinn sin pou ki zot kapav dibout san repros devan Bondie nou Papa ler nou Segner Zezi retourne avek tou bann sin. Amen.

2 Tes 2:17

li ranpli zot leker avek kouraz e li akord zot lafors pou touzour pratik seki bien, par zot aksion ek zot parol.

2 Tes 2:8

lerla move rebel-la pou paret e Segner Zezi pou touy li, li pou detrir li avek lafors so retour.

2 Tes 3:3

Me Lesegner ki fidel, li pou fortifie zot e gard zot proteze kont diab.

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

1 Zn 2:20

Me zot, zot finn resevwar lonksion ki sorti kot Sa-Enn ki Sin e zot ena konesans laverite.

1 Zn 2:27

Me zot, sa lonksion ki Lekris finn vers lor zot la, li kontign res ar zot. Kouma zot ena so Lespri dan zot, zot pa bizin enn lot dimounn pou ansegn zot. Anfet, Lespri ansegn zot lor tou kiksoz e tou seki li ansegn zot li vre, li pa fos. Samem zot bizin obeir lansegnman ki sorti kot Lespri: res touzour ini avek Lekris.

Revelasion 1:6

Li finn fer nou vinn enn rwayom pret pou servi Bondie Papa. Laglwar ek pwisans pou Zezi Kris pou touzour. Amen.

Revelasion 3:18

Alor mo konsey twa aste lor ar mwa, lor ki finn rafine dan dife, pou ki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.