2 Ko 1:12 - Nouvo Testaman Kreol Morisien Harmonisation NTPS KM

¹² Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Nouvo Testaman dan Kreol Morisien

¹² Rasinn nou fierte, se temwagnaz nou konsians: nou konportman dan lemonn e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 1:12 ပူးပေါင်းရင်းမြစ်များ

Zistwar Bann Zapot 23:1

Pol fixe bann manb konsey e li dir zot, “Mo bann frer, mo konsians trankil lor manier mo finn servi Bondie ziska aster-la.”

Zistwar Bann Zapot 24:16

Akoz samem mo finn touletan fer tou mo posib pou ki mo konsians kler devan Bondie ek devan bann zom.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

1 Ko 1:17

Lekris pa finn avoy mwa pou batiz dimounn me pou proklam laparol, san servi enn langaz dapre lasazes imin, pou ki lamor Zezi lor lakrwa pa perdi so pwisans.

1 Ko 12:8

Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

1 Ko 2:13

Samem kiksoz nou koze, pa par sazes ki lespri imin finn montre nou, me par bann parol ansegne par Lespri ki interpret bann verite spiritiel dan enn langaz spiritiel.

1 Ko 4:4

Mo konsians kler, me sa pa fer mwa vinn inosan. Lesegner ki mo sel ziz.

1 Ko 5:8

Anou selebre nou fet, pa avek vie levin pese ek imoralite, me avek dipin ki san levin, dipin sinserite ek verite.

2 Ko 1:17

Eski mo finn pran sa desizion-la san reflesi? Kan mo fer plan, eski li par motivasion egois? Eski mo balans ant “Wi” ek “Non” anmemtan?

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Ko 8:8

Mo pa pe donn okenn lord la. Si mo pe donn lexanp lezot, mo pe zis donn zot lokazion prouve ki zot lamour li vre.

Ga 6:4

Sakenn bizin examinn so prop travay, e si li bizin fer vantar, fode pa li fer li an konparezon avek so prosin me par rapor avek limem.

Ef 6:14

Pare zot! Met sintir laverite otour zot lerin, e ladrwatir kouma enn zile proteksion;

Let pou Filipien 1:10

pou ki zot kapav disern seki bien. Lerla zot pou pir ek san repros letan Kris revini,

1 Tes 2:10

Ansam avek Bondie, zot temwin, ki manier nou finn ena enn kondwit sin ek san repros vizavi zot, bann krwayan.

1 Tim 1:5

Konpran kifer mo pe donn sa lord-la. Mo oule lamour dan enn leker prop, enn konsians drwat ek enn lafwa sinser.

Let pou Tit 2:7

To pou enn lexanp pou zot dan manier ki to viv. Met serye ek sinserite dan to lansegnman.

Eb 13:18

Priye pou nou. Nou sir ki nou ena enn konsians kler ek enn volonte pou azir kouma bizin.

Let Zak 4:6

Me Bondie donn tou dimounn boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”

1 Pi 3:16

alor fer li avek zantiyes ek respe. Gard zot konsians kler, pou ki letan zot gagn insilte, bann ki dir dimal lor zot bonn kondwit kouma Kretien, zot pou onte ar seki zot pe dir.

1 Pi 3:21

Sa enn fason pou montre batem ki pe sov zot aster-la; pa pou lav inpirte dan zot lekor, me kouma enn langazman ar Bondie pou enn konsians prop; li sov zot par rezireksion Zezi Kris,